話說琴晚（23/10）本蝦少同朋友食食吓飯，有旅遊 Group 友報料話以後唔洗印入台證，開頭真係嚇一跳，然後睇埋 U Magazine 個 Post 就得啖笑！
十分抱歉，引起大家誤會清楚說明如下：入境的情況依舊不變，這個措施是省去入境卡（空姐在機上派發的），對持台證的完全沒有改變！持特區護照、BNO人士：做好網上台證，列印出來通關（本來就不用寫入境卡）；持非特區護照或BNO（美國、英國歐盟…
（個 Post 改完又改，死都唔認有誤導成份）
以本人理解，U Magazine 受眾都係識睇中文嘅香港人為主，去台灣旅遊，通常唔係揸 BNO 就特區護照，以往都係預先喺網上面申證入台證，又或者落地畀 300 台幣促進台灣經濟咁做落地簽，一向都唔需要填入境卡。
然後唔知邊個叻唔切嘅編輯，將**三年前**台灣免簽以往要填紙本入國登記表，改為電子 A 卡嘅做法，當係新措施咁而家先話畀大家知。啱啊真係唔洗印出嚟，不過唔係入台證，係嗰張 Arrival Card 咋！咩係 Arrival Card？去過日本嘅旅客都知要填張卡仔，寫航班編號寫住邊仲有電話號碼嗰張呢！
重點係，張 Arrival Card 其實一向喺飛機上面都有派，唔需要咁辛苦話以前要印出嚟乜乜物物。
U Magazine 班編輯唔係第一日做傳媒下化？揀 Content 揀到可能得英國公民（唔係 BNO，係 BC）啱用之餘，明知香港人一向都睇啲唔睇啲，分唔清 Landing / Arrival Card 同入台證嘅分別，就咁話唔洗印出嚟，咁咪會搞到一堆人淨係填咗電子 A 卡然後無申請入台證囉，留名睇有幾多香港人呢排去台灣嗰陣中伏。
問題唔大嘅，盛惠 300 台幣！（或者機場搵地方即時申請即時印啦哈哈哈）
‼️在此提醒各位愛台灣的朋友‼️有關入境台灣可預先上網填報入境卡資料之便捷措施，在此提醒:: 入台証與入境卡(arrival card)並不一樣喔!以上措施適用對象為: 免簽證人士（e.g….
由 Taiwan Tourism Bureau HK / 臺灣觀光局駐香港辦事處發佈於 2018 年 10 月 23 日 星期二
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月24日
