毒撚最忌有自信，我一向唔係咁諗同呢句說話，因為我識好多毒撚係真心叻，抵讚；亦見過好多小朋友，打兩個手機 Game 就話自己係毒撚，然後讀書唔成、做野唔順、溝唔到女，就拎「咁我毒撚黎」黎做擋箭牌，萬用程度簡直緊貼「係社會嘅錯」呢一句說話。
咁，無自信又點呢？好多時人無自信，都走向兩個極端，一係就極度妄自菲薄，咩都自卑同怯咗先；另一種，就係乜春都拎出黎打飛機，自我膨脹程度令人嘆為觀止，以下係我聽過嘅其中一個例子。
我有一個客，稱佢為 Stephanie 吧。 Stephanie 幾靚女，個樣好童顏，喺一間國際知名品牌連鎖店度做，咁大舖大集團，前線啲人當然就成日調黎調去。Stephanie 定期會黎搵我覆下診，睇下工作狀況，「當買個保險都好吖」，佢咁講。
前排，佢舖頭有個新黎嘅男同事，一黎到，就係咁問其他女同事拎電話同 IG（注意，佢淨係問女同事）
而呢位男同事，好快就睇中咗 Stephanie，為咗得到佳人芳心，呢位男子都可以話用盡最核突老套嘅辦法，包括喺 Staff Room 自拍自己唱歌嘅片段比 Day off 嘅 Stephanie 睇、仲晚晚 Whatsapp Stephanie 講一啲自吹自擂嘅事。
準備好未？講明先，唔止我，可能連你都會反白眼架。
因為事例頗多，容許我用 Point Form。
一、男子聲稱自己 IQ 有 200，只不過追求平凡生活，先黎做 Sales
二、男子話自己運動健將，六個月大 BB 時已經識跑，運動細胞可見一斑
三、仲有自己識多國語言，偏偏唔熟英文，所以平時公司有外國人客佢會緊張
四、男子生得矮，根據佢形容，矮人特別聰明（同第一點首尾呼應！）
我睇完啲短訊，我望住 Stephanie，佢一臉期待，問我「要反白眼未？」
我呆左，O 哂嘴，「我諗，呢個已經超越左反白眼嘅程度。乜你咁唔小心招惹埋啲傻嘅埋身？」
Stephanie 哭笑不得，老老實實，佢都幾唔話得，呢啲咁爆嘅短訊，佢居然無 Send 比其他相熟同事互相傳誦，人品一流。
又或者咁講，Stephanie 今次黎問辭職之後嘅事，因為佢打算去 Working holiday 架啦，所以呢位男同事嘅行為，學佢所講，「除咗笑仲可以點，學神婆你反白眼囉。」
嗱，無呀，今次我無反呀，你估我唔到，哼！
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
其實人地會覆你短訊可以係出於禮貌，唔代表人地鍾意你⋯
喂阿姐，你唔好以為自己拎住個 Balenciaga 就以為自己特別高尚啦好嗎？
唔係乜野工作都可以上 JobsDB Apply 嘅，例如 DJ 或者 KOL…
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月25日
