有朋友講起不平等條約，覺得中國成日扮慘，仲要喺本歷史教科書度扮慘，講到人哋欠咗佢哋咁。
我都係呢個睇法：雖然呢個term係國民黨喺20年代發明出嚟，不過今日西方國家好似睇落好撚有道義，唔代表佢哋當年冇做仆街嘢。18世紀開始西方列強周圍搵非歐洲國家簽約，冇事時就呃呃氹氹，有事就直接打，就算字面平等但另一方締約國根本冇能力獲得利益，何況到後期根本就係西方國家單方面獲利，舉個例子：有間公司日日喺華仁門口又淋紅油又貼大字報，要求校方同佢哋「簽約」，唔簽就上山燒校舍，但合同內容係「校方每月為公司提供120萬現金；公司為校方無限提供姨媽巾」，仲要吹話自己公司「為男校文明開化踏出重要一步」。呢啲唔叫「不平等條約」叫咩呢？
但呢樣嘢到咗二次大戰後基本上已視為不義之舉，西方國家喺非西方地區獲益依然存在，但已經冇再好似當年咁赤裸裸明搶。如果呢啲條約真係咁公平公正公義，二戰後期各列強就唔會通知中（華民）國放棄在華權益啦。
但係我又唔係話呢啲「不平等條約」可以唔守，奶咗嘢真係要找數架，我絕對反對單方面「廢除不平等條約」架。一係就好似中（華民）國咁，同盟軍並肩作戰（aka做超級炮灰）幾年然後對方通知不如廢約重立，一係就好似日本咁切切實實維新改革，等人哋睇得起你然後再重新立約。
絕對唔係中共竊國之後一聲令下「廢除所有不平等條約」就當冇咗囉。而且，其實當年根本冇幾多個國家承認佢，而且大部分「不平等條約」嘅效果已經喺內戰爆發前失效咗，中共都係貪口爽叫下，啲西方列強真係利益深種嘅位佢哋係唔敢搞嘅，例如香港同澳門嘅宗主權，日後嘅外交關係係對方直接唔承認中華民國之後再重新立張約，老實講除咗係中共自己 claim 自己係中華民國繼承國之外根本冇一窟似係中華民國嘅繼承國。
「不平等條約」今日依然存在架，不過就係得返一個未夠班做列強嘅中共周圍搵緊人簽。之但係呢，簽咗幾條就畀西方列強老前輩發現咗，依家就畀人圍砌緊咁解囉。
P.S. 我覺得公屋租約都好撚不平等架，明明講好咗屋邨範圍冇狗架嘛，房署屈人簽咗但又冇落手禁止屋邨範圍養狗，啲狗主仲要霸咗一部分屋邨範圍做狗公園，正仆街嚟。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年10月29日
