（圖文不符）
今日搭地鐵，我隔離企左個老母帶著兩個仔，目測小學，揹住個書包仔，都幾得意，個老母本身就化曬裝，睇落幾端莊，一齊搭左幾個站，喺度逼逼貢，我心諗：「中港融合，係咁㗎啦」，「幾十歲男人老狗，被人HI 兩嘢唔通嗌非禮咩」。
地鐵人多就唔分時段嘅，適逢繁忙時間就更加真人show 沙甸魚點入罐，咁地鐵行到唔記得邊個轉車站，多人落車，我咪行開少少，諗住讓啲位俾人行，個老母一見到有空位，就好似狼媽媽教狼B 捕獵咁，推兩個仔衝埋去，中途撞開其他「大人」，霸左三個靚位，狼媽唔洗「喔～～～～」咁叫，而係「嗝痴嗝痴～」咁，我日文唔叻，自細打得機多，大概知道係日本人講「嗰度嗰度」（有錯歡迎鬧我）。
我比較好彩，本身諗住讓路，無被狼B 撞到，而其他被撞到嘅人，就好大愛，唔出聲，繼續頭dupdup 用電話。
我嗰一刻心諗，香港真係一個福地。係移民嘅福地。
香港呢啲外向型經濟，就梗係唔同國籍唔同民族嘅人都會喺度搵到適合自己嘅生活方式。
日本人，可以話係出名「溫婉」，講句嘢都要十幾個音節嘅敬語，痾個屎都要裝滅聲器，坐墊都有特別設計吸屁味，務求咩都唔好影響到人。
日本人嘅謙恭，係出自性善嘅禮義廉恥，定係只係純粹唔想人地覺得佢麻煩？不如做個人類學研究，我唔識啦。
但呢單嘢真係提醒左我，就算係日本老母來到香港，無左其他日本人嘅目光，無左其他日本人文化監察，無左其他日本人鬧佢「打咩」、「巴加丫囉」、「渣媽」，出名桎梏出名壓抑嘅大和民族，都係會個性解放，係「個性」解放。
仲記得十幾年前暑假，有場大遊行，號稱五十萬人上街，到今日啲人都仲好自豪咁標榜「無整爛一個垃圾桶」。
當我呢排玩Red Dead 唔識串，知道美國十九世紀嗰種開荒殺戮適者生存，我唔知後世點樣評價二十一世紀嘅香港人，我只係覺得好好笑。
：）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月1日
