拍拖係咪一定要結婚？我自己就覺得，睇形式啦，因為怕麻煩嘅關係，我本人就好怕要搞場大龍鳳嘅婚宴，不過，我都好明白要做到呢一點，其實好睇你過唔過到屋企人嗰關。
咁求婚呢？求婚係唔係又係必須嘅呢？呢樣野我就覺得好睇人啦，有啲客好早就已經有咗共識要結婚，結果同另一半行行下婚紗展就可能落咗訂；有啲客呢，就好重視形式嘅，包餐廳一大堆氣球滿天星成間房都係花又好、大街大行單膝下跪都好，我都聽過。
只不過，我無諗過求婚可以求得咁難睇。
話說 Simon 同女朋友拍咗一年拖，咁本身Simon 就係一個「拍拖係為咗結婚，結婚係為咗生仔」嘅超傳統封閉思想嘅大男人，儘管佢今年都只不過係三十出頭。
講開又講，唔好以為得女人先會因為咁嘅原因而想結婚，我見過好多男人都係咁。
首先，我都不諱言， Simon 嘅求婚，係失敗嘅。
Simon 係屋企嘅獨生子，好聽阿媽話，基本上阿媽話一，佢永遠唔會咁話二，所以佢女朋友同埋呢位老人家嘅感情一向都唔係幾好，因為佢女朋友其實都係一個幾有想法嘅人。
咁如果 Simon 同女朋友係真心相愛嘅，話唔定結婚呢樣嘢都仲可以坐低慢慢傾；不過，喺Simon 求婚之後，佢女朋友係直接同佢分咗手的。
「你明唔明，神婆。」我嘅今次個案嘅女主角化名 Linda，「佢話想同我結婚，係因為想慳稅呀！喂，家下求婚呀，你食食下譚仔同我講呢啲？OK！你要實在吖嘛係咪？係咪要我拎部電腦開 Excel 同佢講數傾銀碼呀？」
如果你聽到呢度都覺得件事唔夠差，不妨睇埋落去。
「唔講猶自可，一講，先知佢呢條橋係佢阿媽教佢！老老實實，前兩年我全職讀 Master，剛剛先出返嚟搵工，所以我嘅月入一定冇佢咁多。咁即係點？想要埋我啲 Quota 幫佢個仔慳稅定點呀？」
我聽到呢度，靜默無言。你話呢件事係唔係好無稽，又未至於；但係， Simon 嘅呢個求婚方式，加埋仲要係阿媽叫先至做，呢兩樣野加埋，又真係唔係幾好聽。
Linda 苦笑，「連結婚都係老母叫先做，遲啲係咪老母想抱孫，就晚晚要我同佢咩吖？」
我笑，我點點頭，「雖然我未結婚，但我明。」
你問我明乜？
假如你另一半對你做嘅所有嘢，都唔係發自佢嘅內心，而係出自其他人嘅要求⋯⋯認真，換着係你，你又會開心咩？話唔定你仲嬲過 Linda 呀！
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
其實人地會覆你短訊可以係出於禮貌，唔代表人地鍾意你⋯
喂阿姐，你唔好以為自己拎住個 Balenciaga 就以為自己特別高尚啦好嗎？
唔係乜野工作都可以上 JobsDB Apply 嘅，例如 DJ 或者 KOL…
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月3日
