任何仁跳出又跳入,爆紅畀人話低俗,之後港台助攻,話會禁,跟住越禁越玩,之後又話會長做既故事,教訓我地咩呢?

 

 

創意,係香港冇意義架。就算你做得幾好都好,長官意志,可以戰勝一切。香港,依然係一群守舊,無能,自以為是,不知世道,唔明世界點轉既大人控制緊。而你地年輕果一班,就算幾用力,幾有本事,幾咁盡力都好。你做左個世人好中意既project出黎,你輸左個長官個同意,你都係輸。但而家由於係一個好實用主義(pragmatic)既女人話事,你有用,有成績,而阿姐又高興,你先有機會,可以留低。

如果任何仁要長做既話,剩低問題,其實都好多啦。

首先,任何仁 呢個campaign 最大既問題,係將「救人民主化」,平面化,幽默化,簡單化。任何人都可以救人當然係一種好高尚既情操,值得推揚。係中國呢種「小悅悅事件」咁,睇住個幾歲小妹妹死係街頭失救都唔理既中國文化之中,任何仁 既精神,簡直係有違現代中國生存既常識,更顯一國兩制既重要性,值得留低。咁問題係咩呢?我細個既時候呢,就有玩紅十字會既。以前d 師兄同我地講,心外壓係專業既急救程序,如果唔小心,好容易會令到胸骨折裂,甚至內出血死亡。乜而家人類進化左啦?d 胸骨係點壓都唔會裂?抑或消防處已準備好好多既資源,去為所有香港人,任何香港人提供心外壓同埋使用心肺復甦儀既訓練?

應該唔會啦。咁將心外壓呢種危險性都唔算低既急救程序平面化,笑話化,會有咩潛在風險,消防處有冇評估過呢?

另外,羅蘭巴特講過作者已死論。你作品出左街,你好多時都控制唔到。你控制唔到網民將 任何仁 同 av 拉埋一齊講,你亦都控制唔到其他品牌玩二次創作。但問題係,如果有人為「任何仁」開面書專頁,而又係呢個時候轉發一d 明顯帶有偏幫某一個候選人色彩既新聞報道,又算唔算係助選呢?消防處有冇擁有「任何仁」係面書世界既發言權既呢?如果有既話,消防處係咪幫緊某一個候選人助選,係咪用緊公帑去幫候選人助選呢?

所以話,網路創作,真係專業,真係需要搵識做既人做架。表面上任何人都可以做既野,真係唔係任何人都做得架。

 

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 186933
Date: 2018-11-07 19:09:55
Generated at: 2020-10-25 03:42:51
Permalink: https://www.vjmedia.com.hk/articles/2018/11/07/186933/任何仁跳出又跳入,爆紅畀人話低俗,之後港台助