港珠澳大橋通車至今，有國內旅行社涉嫌違規在無聯絡香港旅行社做接待的情況下，將團友以「賣豬仔」方式安排於東涌自由活動，令到旅客迫爆東涌，接駁交通應接不暇。呢一類廉價而又低質的旅行團除左影響外界對香港的觀感之外，亦衍生不少社區問題。地區人士當然乘勢炒起議題，抽水既抽水、當區的周浩鼎更因大力支持興建大橋而備受壓力；另一邊廂公民黨就大力宣傳當年的地區人士已預視大橋落成的問題云云，然後呼籲居民在選舉時如何選擇云云。
大型基建的出現對當區做成影響等同「我係媽係女人」既道理，只要有稍有遠慮都會預見到。當然，連諗都冇諗過有問題既故然抵死，但高調吹捧自己「未卜先知」又係咪一件好事呢？
出現左旅客迫爆東涌既問題，我地可以先睇下當區議員同地區人士做左D乜再睇下落去：
首先，當區區議員周浩鼎建議將B6搬至纜車站旁既臨時巴士站；地區人士王進洋就於fb表示將旅客分流至欣澳是「最好既方案」。係地區層面2個建議都尚可暫時紓緩東涌迫爆既問題，但劣質同涉嫌非法既國內旅行團先係問題根源，周浩鼎可能利用雙料議員既優勢妥善解決問題根源，以積存連任籌碼。雖然兩邊暫時未有最有效既方案解決，但至少有回應居民訴求，亡羊補牢未為晚也。（曾表示有意參與離島區區選既蔡耀昌係冇出過聲既）
出現問題既時候，好似上面咁講，有人會落手諗拆彈，但亦都有人冷眼旁觀、坐觀成敗，一張「世事被我看透」既嘴瞼，究竟邊個可恥D？咁梗係後者啦，因為知道左仲要唔做理得你死～
有報道指公民黨2009年該黨時任區議員反對大橋口岸選址，並指對居民造成嚴重影響云云。先唔講公民黨有份支持起大橋，呢班所謂既在上位者就係坐係度坐觀成敗，有事仲要係第一時間抽水而唔係同你諗點解決問題，你話貫徹反對派既職責反對到底既，咁點解你又支持起呢？你一早預見佢有問題，咁你地有冇提出過數任何野去應對個問題？有問題個陣淨係識抽水，淨係叫人唔好投對家，但係投左你地對件事冇幫助既話，咁投俾你地有咩用？？？
人人都識講 #votethemout，但好似係咪有人唔記得左，你逗緊9萬6都係要幫人解決問題架，咁大個政黨一開始知道有問題到依家連一個可行方案都冇，仲將個責任順手推哂俾對家，到時唔好怪居民唔投你地囉。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月8日
