「唉，有錢啊，唔同我地班窮親戚一齊搭巴士啊！」

街上一群五十幾六十歲嘅男女由酒樓行出嚟，停喺路口等燈，高聲歡呼故我。

「喂我行嗰邊啊，下次見！」當中一個女人向大家道別。

嗰個女人行走左之後，呢班人就開始議論。

「唉，有錢啊，唔同我地班窮親戚一齊搭巴士啊！」一個男人諷刺道。

「鬼唔知佢要搭的士咩，嗰邊嗰邊，巴閪閉！」另一個女人附和。

「梗係唔係啦！嗰邊有商場，有錢梗係身痕，去使錢去消費啊！出嚟同你食小菜食酒樓咪已經俾足面囉！」又有個男人補充。

「有錢就攞彩」、「威啦」、「拎個名牌袋出嚟曬命」、「眼鏡都要去日本配咁架勢！」，作為一個路人，我不斷聽到啲關係嗰位我完全唔識嘅女人嘅事。

可能岩先席間嗰個女人好乞人憎咁曬自己老公生意做幾大、仔女搵幾多、最近放左幾個盤，可能，我唔知。但我淨係知道，作為一個路人，我真係覺得佢地好醜陋，好肉酸。

君子成人之美，當然，唔係個個都有本事保持人格高尚做君子。但即使做個市井匹夫，他人成功不妒不口出酸言，他人失意不驕不落井下石，是常識吧。

或者就係呢種心態，就決定左嗰個女人會有錢，嗰班人就只有妒忌份。

朋友啊，家人啊，唔知我地未來如何造化。但願我地永遠都唔會變成呢種人。

作者：亂臣賊子

閱讀後覺得好，請多多讚好及分享～：）