有時有啲放送事故，你諗唔到韓國咁大間電視台都會犯，而咁好彩，竟然畀IZ*ONE遇到。話說IZ*ONE嘅團體綜藝《IZ*ONE CHU》就喺禮拜四播第三集。前半段講一班少女出外郊遊、浸溫泉，煮飯仔都冇事，誰不知去到後半段就撻哂Q。
後半段節目講一班少女親自整嘢食送去畀喺《Produce48》教過佢哋嘅老師。一去到安宥真、權恩菲，同金彩玩去拜訪舞蹈老師時崔永俊老師個陣，BGM突然消失。雖知道睇韓綜咁多年，就算喺談話節目，其實都好少時間無BGM。
更明顯嘅一點係，因為一定有BGM嘅關係，所以唔會專登擺一條環境聲落去，結果每次有人講完嘢之後，成個節見就會完全靜哂，令人睇得好唔舒服。睇下睇下，連bilibili嘅一眾大陸網友都覺得唔對路，不斷問後期係咪偷懶。
除咗bgm外，平時彈出黎嘅特效字幕都會有sound effects，鏡頭cut去另一邊就一定都會有sound effects。Sorry，喺周四出街版本一概都冇，大家就好似睇緊一個初剪咁，雖然有剪輯過，仲加埋效果，但就得返啲人聲，無哂其他聲。而呢個情況，斷斷續都有10分鐘，認真尷尬。
老實講，睇咁耐綜藝都真係睇一次遇到呢個情況，你又點諗到一個出街嘅節目都會犯啲學生作品嘅錯誤。不過就咁睇都知呢個節目好趕出街，好似上集喺11月1號出街，但已剪咗好多10月29號show con嘅片段入去。做過media同電視台嘅人都知，一個人喺一段時間內點會只係跟一個節目，手頭一定十萬樣嘢跟緊。雖然可以諒解，但恐怕跟呢個節目後期嘅師兄都係咁先了。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月10日
