今年FACEBOOK界最熱話話題,一定係任何仁VS清潔龍阿德

【阿德新歌】 我阿德為咗宣傳清潔嘅訊息,作咗首歌!希望大家聽完之後會更加有動力同我一齊清潔香港!如果你都鍾意呢首歌,就記得幫手share出去啦! #才華德 #TrapMusic #1分17秒有SpeedUpRap《我今天出了一首TRAP MUSIC 叫做我叫做KEEP CLEAN AMBASSADOR》唱:Ah Tak Team詞:Ah Tak Team曲:Ruben Barba (27 Corazones Beats)[Hook: CSS@AT]我個名叫Keep Clean Ambassador保持衞生 你我就係 Brother滅晒啲蚊 對抗登革 Fever清潔香港 靠我呢個 Leader[Verse 1: T-Ruck@AT]有人同我講 滅鼠好鬼煩我話你聽 根本一啲都唔難斷佢糧封佢路拆佢間屋滅鼠三式 老鼠郁都唔駛郁[Verse 2: D38813@AT]點點點點點會 點點點點點會 點會無倒 點會無倒 點會無倒 積水點點點點點會 點點點點點會 點會無用 點會無用 蚊怕水 DEET!DEET![Hook][Verse 3: Nov. Rain@AT]加入我嘅gang 聽住我把聲見到小強 根本驚都唔使驚封好渠口 洗好對手我就當你 一世好鵬友[Verse 4: VM]星期一至五六日 污糟邋遢好核突 咪係度齮齮齕齕 垃圾膠袋包得密實乾淨嘅完美世界 污糟野全部ByeBye以下貼士要聽晒 呢個flow會再加快(Speed Up)[Rap: Axl Ron@AT]要執好地方,想清潔香港,唔係唔洗落手得返把口淨係喺度齋講保持衞生身體力行,加勤清塵人人做個好市民一條心做靠你走多一步,清潔嘅路你我行得驕傲做得到不如做得好否則自身難保趁早做好環保一齊滅蚊不怕高溫艱辛親身刷新衞生嘅高分認真搞好衞生氣氛繽紛皆因好憎惡蚊消滅晒就歡欣一齊個個都嚟源頭減廢用水節制保護環境嘅寶貴清潔劑咪放低睇我清潔龍發威發揮乾淨將會回歸依計不再浪費解危解圍解謎清潔係一切嘅真諦咪走雞睇我發圍衝出國際排擠污穢清潔界嘅皇帝記得清潔永遠唔會敗北,保護環境其實係要即刻聽話以後唔好再咁㒼塞,枝咪交返俾清潔龍阿德[Hook][End Hook: CSS@AT]我個名叫Keep Clean Ambassador保持衞生 咪再話等 Later講咁多嘢 都係想大家 Remember清潔香港 Together

清潔龍阿德 Keep Clean Ambassador Ah Tak 發佈於 2018 年 10 月 26 日 星期五

 

靠網絡力量,香港呢排最經常討論嘅話題,一定係「任何仁」同「清潔龍阿德」,政府唔知做咩大爆SEED,搵左一大班後生搞呢兩個PAGE。

當然啦,你問我,作為一個媒體人,一睇政府就知道搞咁多野只係想洗太平地,一洗過往政府「ON鳩」嘅形像,本著香港人「今晚食乜好」嘅原則,基本上你自個PAGE紅起來之後,都唔會記得以前政府做過乜。

話說「清潔龍阿德」之前出左首Trap,噚晚重真係推到上Clockenflap,果然呢個世界「沒有最癡線,只有更癡線」。「清潔龍阿德」呢種外判式嘅媒體PAGE,一洗過往董太式「要洗手、洗手同洗手」嘅官僚主義,用年輕人口味去宣揚滅蚊、清潔積水、執垃圾,總之係「認真做柒事」嘅方式,令到後生仔好BUY呢種瘋狂嘅「後現代宣傳」。

對比起「任何仁」,一睇就知道筆直大好多,因為見到好多星助陣拍宣傳片,當然藍色Chroma key亦然好大陣「膠」味,我估相對地搵左班膠得黎又想行穩陣派嘅媒體人搞。「任何仁」係媒體行銷上最缺乏嘅唔係缺乏資金,而係缺乏創意,如果我無估錯,搞個班人一係30歲以上,一係就Hea做。

係媒體宣傳上,「創意」永遠係最大考量,而呢一點永遠同官僚主義有衝突。但問題係咪代表政府放低官僚主義,就可以「與民同樂」?我估應該係兩樣野。事實上,食環一路點對班露宿者、點樣蝦阿婆,呢種記憶唔係可以抹殺,雖然我都Buy容樂其式嘅「今晚食乜好」生活態度,但係咪代表對世間一切麻木?呢一點我同容容有小小唔同。

然而,消防透過玩「膠」向市民灌輸點用心外壓救人,先唔好講佢有幾膠,我個人就已經唔係好有興趣繼續睇條片,玩「膠」都有分高汁低汁,可能佢地唔係好分到,網民forward佢地條片,最大背後目的只有「取笑」,而沒有教育。

大家睇到呢到,係咪以為我係阿德嘅打手?傻啦,邊度有咁打手,政府份糧咁好賺咩,我從18歲開始已經抗拒搵建制嘅錢,因為香港政府最奇特嘅地方,都係一班蠢人係度運作,而我從來唔中意同蠢地共事,做錯野事小,激親自己呢下事大。

Btw,我明查暗防搵到配阿德把聲背後嘅女仔,其實佢幾好J,又有創意,加油啦Ceci。

講返我老本行先,太耐無寫股票野,因為最緊真係唔多得閒。話說5仔最近呢一年被平保係咁掃貨做左最大股東,但係目前市咁弱,買唔買佢好都係1516,因為我預計個市依然未見底。進入左熊二(我個人覺得啦)之後,個市突然爆升點引左班老散入局,之後賓士(1705)、毛記(1716)又有鑊氣,睇埋大藍籌買賣盤,都係老散入貨大戶出貨,恒指係3幻2瀉到而加,我估大戶出貨出得7788,大概黎終極一跌不遠,我建議呢個時候都係現金為王,乜鳩都唔好買,等底。

另外,呢兩年買左樓嘅,自求多福。雖則話香港樓按測試做足左,但市場依然重係有一堆「呼吸plan」、發展商做埋於餘下按揭之類嘅嘅危險野,呢一點唔會有媒體報唔會有地產商講,因為黃金下面永遠都係屍骸。我自己已經叫屋企人套現左層樓等底再入貨,呢一點,我buy湯文亮。

 

 

作者:庵念慈

庵念慈
娛樂圈的後生老海鮮,日日被容總追稿的追夢人。現為文化研究碩士學生。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 187056
Date: 2018-11-10 21:55:27
Generated at: 2020-02-26 17:39:33
Permalink: https://www.vjmedia.com.hk/articles/2018/11/10/187056/今年facebook界最熱話話題,一定係任何仁vs清潔龍阿德