近年11月11日，大家可能會諗起購物。淘寶、天貓鋪天蓋地宣傳雙十一，主張消費。基本上都係先抬價後減價，塞爆集運倉唔知幾時先收到貨。
但其實仲有幾多人記得每年11月11日，仲係和平紀念日？
和平紀念日或稱國殤紀念日(Remembrance day)，係為咗紀念一戰、二戰同埋其他戰爭中犠牲嘅軍人嘅紀念節日。 大家會喺當日佩戴一種紅色嘅虞美人花(Poppy)，紀念軍人所流嘅鮮血，所以當日又稱為 Poppy day。佩戴以左胸前或帽上為主，可以參考以下圖片。
而香港通常會喺11月嘅第二個星期日(Remembrance Sunday)早上喺中環遮打道和平紀念碑會有悼念活動。因為回歸後香港將重光紀念日假期改為佛誕放假，所以二戰重光嘅紀念活動會一齊喺和平紀念日舉行。政府官員同埋唔同嘅宗教領袖 包括聖公會、天主教、東正教、佛教、道教、回教同錫克教都會出席。唸禱文嘅唸禱文、唸經嘅唸經，咁嘅場合真係唔多。
儀式會喺早上十點四十五分開始，警察樂隊、儀仗隊號角手吹安息號，退伍軍人或/及其家眷、駐港領事代表、宗教代表、官員等等戲花再奏國歌。因為已經回歸，所以喺香港嘅儀式並不會再奏英國國歌。
紀念和平、紀念為和平付出過嘅人，唔一定要扯到政治上面。
當日會喺香港島有賣旗活動，為身在香港嘅退伍軍人及家屬籌款。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月10日
