筆者對大嶼山起人工島無立場，但見到報導引述浸會大學財務及決策學系副教授麥萃才，話大嶼山起人工島，財務估算上無可能輸，就立即令我想起上年好多財演都話騰訊估值雖然高，但前景無限，買騰訊無得輸。結果騰訊由$460高位跌至最低差不多$260，足足跌左40%有多，不少股民變蟹民。
1998年，由Myron S. Scholes 及 Robert C. Merton兩位諾貝爾經濟學獎得主坐陣的長期資本管理基金(Long Term Capital Management, LTCM)，都以為自己的投資模型無得輸，結果遇上亞洲及俄羅斯金融風暴，四個月內蝕了四十七億美元（資本的92%）。可能諾貝爾經濟學獎遴選委員會都以為他們的投資理論無得輸，所以在LTCM爆煲前一年，就把諾貝爾經濟學獎頒給兩位經濟學者，以表揚兩位在金融衍生工具計價的貢獻。最終LCTM不但輸到仆街，還要聯儲局出手打救避免其倒閉觸發金融危機，影響世界經濟。
世上無必勝的投資，亦無無得輸的投資。只講回報，不理風險，這是投資大忌。買騰訊無得輸，諾貝爾經濟學獎得主以為自己的投資模型無得輸，財務及決策學系教授話起人工島這個投資項目無得輸，聽起來真係特別警世。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月11日
