11月11日係一百年前第一次世界大戰結束，西方國家官式紀念大戰陣亡士兵以及警惕世人和平既重要。另一邊廂就係中國一年一度因國情及社會風氣衍生的光棍節，以非官方形式鼓勵營銷及交友脫離單身既節日，有人認為香港跟隨國內風氣係文化墮落，更甚認為係文化入侵，擔心進一步加快中港殖民步伐，香港作為中西文化文化共冶一爐既國際大都市，兩者之間係咪一定要有所取捨？
首先香港除左係國際都市之外，亦都係商業城市，marketing養活唔少人，而光棍節定既11月，商家可以係國慶後及聖誕前推動銷售額，亦帶動廣告等相關行業收入，而且受國內風氣概念帶動下，提供左一個非常客觀既有利環境，利用綽頭吸引消費。相對之下，國殤日的歷史底蘊及意義凝重而且影響深遠，唔代表商業行為可以取代一切。即係我唔會因為掛住上網去搶一個特價袋而唔記得11月11日係歐戰結束呢個事實同埋日後既意義架嘛係咪？本身兩者雖然係日子相同但本質上係冇抵觸既。
係筆者讀歷史既時候係發現係西史部份關於國殤日既解說唔多，主因係課堂進度取捨導致。無論中史同西史，取材都慣於講重要既一節。但礙於課堂進度，歷史事件可能就係咁被迫捨棄部分，好似係西史一戰部份詳述大戰前因同影響（例如如何導致二戰發生），大戰既經過同意義只係簡略帶過，中史方面更因為民初陷入極其混亂局面，好多事件都係飛住咁過，搞到支離破碎，學生又讀得辛苦，老師又教得辛苦，而一d冇咁重要既位就變相被忽略，筆者我都係睇英超同埋去留學過先知國殤日對英國人黎講係相對重要同深遠。
其實知道佢既意義又唔需要show off既，亦唔需要妄自菲薄，擔心文化殖民乜乜乜，只係根本冇需要大肆舖張。香港人不妨做返自己最叻個藩，回歸理性，做返自己，聽到普通話祝佢血拼成功搶得心愛寶貝；聽到普通話以外就戴返red poppy扣針，做返香港人最識做既世界仔。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月11日
