三年前，係英國脫歐公投既時候，圖中紅底白字相當搶眼，「與其倒錢俾歐盟，不如將啲錢留返俾醫療好過啦」淺白既意思成為脫歐派當時最成功既拉票手法，亦視為成功脫歐既其中一個因素。原因好簡單，公投只係投留定走，而個宣傳就話你知想增加醫療資源就要走。當然NHS呢個問題幾乎包攬各個階層既利益，咁樣「捆綁」投票自然令到唔熟政情既一群被呢類宣傳引導。呢一種類比既演繹唔少政工作者都學起上黎，而係香港亦都開始出現，不過橘越准而枳，東施效顰呢樣事呢。。。
近日這張婆婆前後拉著發泡膠的相片，網絡上廣傳。大家都感慨，政府對大型跨境基建各式大白象工程、人工島揮金如土， 但對老人福利及退休保障，卻是斤斤計較？!每一個人都有老的一天，也未必有子女或得到子女照顧，所以一個由政府提供、全面的退休保障，是相當合理。我認為理想的退休保障，是包括所有在港出生，或住滿約20年的，就可以申請，並足夠支付每月基本的生活開支。來源：互聯網
佢就叻啦，除左學識呢一種穿鑿附會之外，仲加多一錢情感勒索。佢特意揀張老人家一推車仔後面仲拉緊野既相，揚揚百幾字話政府倒錢落海，老人福利就斤斤計較，然後又借題發揮去推全民退保。成件事先唔好講基建投資同福利撥備既分別先，全民退保真係咁值得推咩？呀議員你個區好多老友記要你箍票？而你又覺得爭取到啲老友記又會投返你？
退保淨係對６０歲以上既人得益，未夠歲數退休既你連黃豆都冇粒，咁同倒錢落海有咩分別？填左海既樓就算依家買唔到，將來可能有既；所謂退保除非提高退休年齡，如果唔係點計都大機會你未退休個陣已經爆左煲，咁你推黎有咩意思呢？
仲有呀，你地依家係執政黨咩，你地掂到錢架咩？唔好講填海撥款阻唔到呢啲已知事實，你地連區議會個一億你咪又係睇住佢起，你有出到聲反對咩？講到自己好似揸到錢要點派點派咁，醒下啦好冇？
呢個就係香港同英國既根本性分別，人地真係貨真價實做實事架，就算脫歐談判笠笠亂，人地都批左錢落去ＮＨＳ，履行選舉承諾，唔似得你地呢班反對派咁，選前乜乜物物，選後就當我冇講過，梗係啦你走數又唔會有責任既，次次四年之後又要人焗住含（投）你，你試下叫文翠珊走數吖，你睇下佢敢唔敢？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月12日
