港珠澳通車衍生既廉價劣質賣豬仔團，放任訪港旅客置諸不顧，源頭由於內地部份風評較差既旅行社，涉嫌利用現行法律漏洞，涉嫌非法帶團過境導致社區生活大受影響。香港作為旅遊城市，接待旅客本來無可口非，不過係冇人敢道出香港接待旅客既配套係唔適合呢班即日來回，消費力唔高既旅客呢個事實。呢班旅客既出現好大程度上因為訪港成本因新基建及政策推出而降低，要解決上面既難題，可以由提高訪港成本著手。
香港高鐵定位目標為商務客，標榜節省時間成本，想慳時間就要付出更多既價錢，合理吖。加上多種既行政措施以令到平價團無利可圖，幾乎絕跡，嚴格既行李規則亦難以令代購利潤抵消交通成本，高鐵通車之後似乎對當區既影響未有東涌上水咁嚴重，反而係高鐵概念爆煲呢個就後話。
現時羅湖同落馬洲口岸有陸路離境稅呢個政策，若然一刀切提高離境稅，除左稅基可以帶黎更可觀收入外，但同時加重到經常穿梭兩地既香港人成本，必然引起反彈，得不償失。所以應要研究針對訪港旅客既行政措施可能有效改善問題。
呢個可能係提高訪港旅客成本之餘又唔影響香港人入境同現有交通成本既方法。現時訪港旅客如需治療，所費不非，而且公立醫院亦出現不少走數個案。如果強制要求所有訪港旅客必須購買醫療保險先可入境除左叫做保障訪客之外，當然佢地真係要用既時候一定係俾左錢先有得 claim啦，冇得走數，減低公營醫療既壓力，提高行政成本令到佢地訪港成本上升去減少訪港次數/一黎就黎多幾日消費俾多啲錢，咁樣又可唔可行呢？
所謂分流措施，B6週末停開都係斬腳趾避沙蟲既方法，香港作為旅遊城市，但本身配套唔適合呢班即日來回客既時候，就算如何分流同增加都係冇可能足以應付需求，與其如此點解唔考慮下重質唔重量，著手提高遊客人均消費水平而唔係淨係識一味接收又唔係好好妥善佢地。做壞做衰做cheap個旅遊城市個名係冇人得益架。btw筆者唔係搞階級歧視呀～唔係睇唔起大陸人呀，係俾你有更好既旅遊體驗就唔好試即日來回，儲多啲錢黎買野消費high end啲，難忘啲，真係唔洗淨係黎買奶粉咁小家喔～
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月14日
