你係咪香港人黎架,咁好禮貌嘅?

小城小事 / 最新文章綜覽

 

記得前個月,即係喺英國返香港冇幾耐之後,見完工去鴨寮街買電話卡。買完問左老闆有關電話卡嘅問題,佢答完之後將我由頭到腳打量左幾句次,問左句:「呀妹你係咪香港人黎架,咁好禮貌嘅。」
「……我係香港人呀……」
「做盛行呀,咁斯文,實係老師啦。」
「唔係呀…我仲搵緊工呀。」
「做老師啦,啱你呀。」
「哈哈……」

「你係咪香港人黎架,咁好禮貌嘅。」即係香港人就冇禮貌?相比外國人咩都講Thank you,香港人相對地係好冇咁好禮貌嘅,但真係冇禮貌咩?我又唔係好覺。以英國為例,個個落車都會同司機講thank you/cheers(唔計倫敦,英國好多巴士得一個上落口),見你打個乞嚏又會同你講bless you。

香港呢?因為生活節奏快(連電梯都快過人,有冇搭過megabox嗰條?)咩都好趕咁,買野拎完就走,西口西面咁,每個人都專注喺心口前幾廿萬上落嘅螢幕上,再喺耳仔塞埋兩粒白色野,同外界隔絕。

香港人其實可以好有禮貌……不過係限於非辦公時間,平時個樣都係寫住「阻我返工者死!」不過我始終覺得係文化問題。鬼佬咁滋遊,做野慢工時又短過我地又少ot,係冇咁大壓力下當然可以笑笑口同你講句take it easy buddy,buddy你老尾咩?你試下去下大城市如London,啲人行路真係快啲個樣西啲架,撞到人都唔會講聲sorry。

不過咁,香港人好多都好慢熱,個樣西西地但相處多陣先發現對方其實冇乜野,只係rbf (resting bitch face)。如果,我假設下啫,如果每個人能夠用多半秒同人講句唔該,成個氛圍真係會開心好多架。如果你做過服務業都知啦,好多客永遠個樣都係全世界欠左佢咁樣,生人勿近好鬼恐怖架。

喺呢個世代講句「香港人輕鬆啲/笑多啲啦」似乎不太恰當。咁我講句「香港人,順口同人講聲唔該啦」。

 

PS 返左香港後自己情緒好似暴燥左啲,成日都想鬧人,辦公時間見到人地開心會有啲燥底,開始覺得自己要睇醫生

 

作者:柚希

柚希
從劣食國度回流返港嘅天然呆痴女,興趣係昅仔。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 187164
Date: 2018-11-15 06:09:07
Generated at: 2020-08-13 01:55:16
Permalink: https://www.vjmedia.com.hk/articles/2018/11/15/187164/你係咪香港人黎架,咁好禮貌嘅?