浸會大學財務及決策學系副教授麥萃才話大嶼山起人工島，財務估算上無可能輸。有做過投資項目估算，一定明白當中有好多變數，例如話未來折現率、營業額、成本等。係Excel模形調高較低，做細個成本，誇大營利做靚條數，一個項目隨時可以由蝕錢變賺大錢，反之亦然。放係真實世界層面，黑天鵝處處，例如話大企業老細忽然係法國行山都可以跌死，一個項目賺蝕就已經不再由模形裏面個堆變數決定。
香港經濟稍差，政府官員就會話香港係外向型經濟，所以政府都無辦法。既然香港係外向型經濟，咁政府個人工島估算，理應有幾個變數係要睇本地經濟增長率，而本地經濟增長率自然又同世界經濟有關。如果按教授所講人工島個財務估算無得輸，唔通香港政府個人工島估算，連世界經濟未來廿年之走勢都算到，而教授亦計算到所以話無得輸？
教授算唔算到，大家都係估估下。但筆者認為，Excel模形世界同現實世界中間，有條好大既gap，而這條gap，正正係大部份經濟學者既盲點。當然你可以話，財務及決策學系教授唔算係經濟學者，筆者亦承認當中可以有好大既討論空間，但諾貝爾經濟學獎得主一定係經濟學者吧。
現於紐約時報成日撰文的既Paul Krugman，2008年得獎，經濟學者無異。兩年前侵侵當選美國總統，美股先跌後回，Krugman就在紐約時報撰文，話侵侵當選，預左經濟哀退，股市「永不返身」。結果？結果係美股大升兩年，道指升四成，標普五百升三成，美國經濟連續增長兩年。如果兩年前睇左Krugman篇文無買美股，依家真係後悔莫及。
再講遠少少，2008年Krugman奪得諾貝爾經濟學獎時，包括佢在內既經濟學者，有無算到金融風暴？當世人最需要經濟學者計算經濟甚至股市前景時，結果原來都係一係中一係唔中，機會五十五十，同擲銀仔一樣，點解大家還要聽經濟學者講野？不過調轉頭想想，與其問經濟學者有幾可信，不如問下自己，點解信經濟學者可以算到經濟甚至股市前景可能仲實際。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月15日
