一個從來唔會捍衛香港嘅行政長官。

政治 / 最新文章綜覽

 

要做一個地方嘅話事人,首先你要愛依個地方,然後你嘅出發點要為依個地方著想。就好似特朗普,雖然唔係個個認同佢嘅做法,對記者嘅態度都好令人不滿,但係起碼佢做嘅一切都係為咗美國。

至於林鄭月娥?連一個香港邊界比人自出自入都輕輕帶過嘅人,我睇唔到佢有咩資格做香港嘅啊頭。其實都唔係冇前科架啦,西九站就咁送咗香港領土比中國管,成個過程佢一啲都唔肉緊,恨不得即刻宣佈香港變香港市,然後自己收完錢就同屋企人返英國。

你話港珠澳大橋可以打造咩一小時生活圈,等香港人可以多啲發展機會,我忍;你話大灣區商機處處,啱哂啲人山長水遠去鬼地方做生意,我忍;你話東涌比咁多大陸人搞到淪陷係對香港發展有益,香港人忍讓下就好,我都忍。依一切我當你係無能、弱智、垃圾之下作出嘅決定。

但你而家係比人入侵你嘅界線,人地仲係軍人,即係隨時拎住支槍一個唔該就可以大搖大擺走入嚟香港射低幾件。你居然可以一句大家對界線嘅理解唔同就算,然後係等中國嗰邊自知理虧先話「暫時唔會過界」?而家講緊嘅係界線,係香港嘅領土主權,點解最高話事人可以一啲都唔重視?咁樣嘅人做香港行政長官,荒謬。

而家中共想香港點就話比林鄭知,然後林鄭無視香港市民嘅反對或者需要就將中共嘅意思完完全全咁喺香港實行。一個唔理香港領土又唔理香港市民民意嘅人點樣帶領香港?佢又點樣喺自己全家都做緊英國人嘅情況下講得出自己愛香港同會以香港利益為先?如果香港仲有人相信喺佢帶領下香港會有咩好事發生,你真係ON9。

佢講過話如果當選後香港大部份人覺得佢唔啱做特首佢會辭職當然係笑話,而家佢同所有司長民望都低無可低,連東方日報都喺頭版大肆報道,莫講話辭職吖,對歉都冇一句。一個從來唔會捍衛香港嘅行政長官,你仲想佢為香港做啲乜?Come On,佢出賣香港少一日,我地已經還得神落。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 187173
Date: 2018-11-15 05:39:36
Generated at: 2021-05-13 18:16:26
Permalink: https://www.vjmedia.com.hk/articles/2018/11/15/187173/一個從來唔會捍衛香港嘅行政長官。