【真人真事】去蒲時不要穿淘寶貨. . . . . .

 

 

「唉,」Mio飲咗一大啖Tequila Sunrise:「Kristy,你而家唔出嚟玩,好冇癮呀。」

「哈,老啦,我慳返啖氣教書好過啦。」阿琪攪拌住杯凍檸茶,笑住咁話。

「屌,定係你驚咗Carla姐呀?」

「呃——」阿琪啞咗,再苦笑:「你又知嘅⋯⋯」

「屌,條女上個月先畀單正嘢我地嘆。」Mio開始娓娓道來。

上個月Halloween,Mio一早喺Zentral 開定兩張枱,同一眾朋友喪玩,最好可以扮埋吸血殭屍,搵返位大波少女吸啜一晚。

有派對嘅地方就有Carla姐,佢嗰晚一早化定妝,谷定胸,call埋馬,準時十二時三十分喺Zentral樓下打畀Mio:「Mio bb,你係咪到咗Zentral啦?個security guard唔畀我地入去,要收我地entry fee呀,你嚟接我地呀!」

「吓?但我地呢道好full喎。一係你去住其他場先啦!」其實Mio冇邀請到Carla姐,但唔知點解Carla姐會收到風,知道佢有枱,仲老馮要佢接自己上嚟。經過上次中東佬一役,Mio真係唔想再招惹Carla姐,就婉拒佢啦。

Carla姐一早估到Mio唔想接佢上嚟,所以有兩手準備:「吓,但係今晚我帶咗三位空姐同事嚟,同佢地講好咗有枱喎,你幫下我啦,我會介紹佢地畀你識!」

「係咪呀?」Mio一聽到有女就心動,於是決定再次冒險,畀Carla姐上嚟一齊玩。

「係!」

接咗四位女女上嚟,Mio都冇失望,三位空姐同事樣靚身材正,又玩得豪放。Carla姐仲正,今晚cosplay護士,一身少布嘅白色制服,加上若隱若現嘅黑色lace bra,仲有吊帶黑絲,真係淫賤到爆。雖然呢一身打扮完全唔關Halloween事,亦不合邏輯,但Mio睇見都扯扯哋,十分興奮。反正Halloween只係一眾港女cosplay嘅藉口,係護士定係鬼,重要咩?而且其他仔見到Mio有咁正嘅朋友,佢都威晒啦!

你以為啦。佢威,都真係嗰一秒咋。

回到枱,Mio即刻招呼三位空姐同事,斟酒佢地飲,再主力溝其中一個。Carla姐唔等Mio斟酒,已經自己拎起支Whiskey先隊為敬,再係起勢咁跳舞。

「Hi,護士姐姐,你叫咩名呀?」一位打扮成外科醫生嘅男士湊近Carla姐。

「Hi,我叫Carla呀!你呢?」 Carla姐keep住扭嚟扭去。

「叫我Ken啦。」

「Hi Dr. Ken,你打扮得好有心思喎,唔止醫生袍,入面都著埋手術服。」Carla姐一邊講,一邊伸手入Ken件袍入面,摸佢背脊。

「哈哈,都係幾十蚊淘寶貨唧。邊夠你有心思呀?」Ken亦順勢攬住Carla姐條腰,同佢貼近,由扭下扭下,變咗磨下磨下。Ken未見過Carla姐,唔知呢條女醉咗係幾咁可怕,竟然諗住灌佢飲酒,先帶佢開房,Carla姐一如以往,唔會睇住嚟飲,飲多兩杯就出事了。

「Dr. Ken,你想唔想做body check呀?我幫你呀。」Carla姐騎上Ken嘅大腿,忘我咁un下un下,發出呻吟聲。

「好呀,不如去我診所呀?」Carla姐咁主動,令Ken十分興奮,仲未洞悉到危機。

「唔⋯⋯唔使診所啦,呢道咪醫院囉。」Carla姐酒後亂性,唔太意識到現場係幾撚多人:「我幫你檢查下⋯⋯」講完,佢竟然一下扯爆咗Ken條褲,想隔住條底褲含落去!

「屌!我條褲呀!」Ken一下子捉住條褲嘅破口,彈咗起身,企上張凳道。呢個時間,現場由各有各玩,變咗個個望住佢地。

「嗯⋯⋯做咩⋯⋯」Carla姐冇清醒到,依然追住Ken嚟含。由於現場人多擠迫,Ken無法逃脫,Carla姐好快捉到Ken對腳,將個頭埋喺佢嘅兩腿之間,畫面相當有趣。

「嘩屌!」Mio見狀,上前恥笑Ken:「Ken哥,玩得咁開心呀?」

「屌,快啲扯開你個friend啦,佢——」

「呀⋯⋯」話口未完,Carla姐好完美咁嘔咗喺Ken嘅下身。呢一刻嘅Ken,褲襠穿咗個窿,兩腿內側又流住嘔吐物,你話佢cosplay緊一名瀨屎嘅醫生,Mio都信。

「屌!!!」Ken大叫,佢唔再留情,一下子踢開Carla姐,衝咗出去,Mio叫都叫唔住佢。而Carla姐,再次暈喺地上,俾保安發現,再捉住Mio叫佢收屍。就係咁,Mio嘅Halloween之夜,再次被Carla姐摧毀。

「哈哈哈哈哈哈哈哈哈哈哈哈哈哈哈哈哈哈,」阿琪笑到不能自控,再問:「呢個故事係咪教訓我地,cosplay都唔好買淘寶貨?」

「屌,係教訓我去蒲唔好再預Carla姐呀。」Mio厭惡咁話。

 

作者:霏子

霏子
Fayly .Party Host .不務正業、自甘墮落 .香港大學主修文學及文化研究

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 187255
Date: 2018-11-17 06:19:14
Generated at: 2020-09-28 16:56:42
Permalink: https://www.vjmedia.com.hk/articles/2018/11/17/187255/【真人真事】去蒲時不要穿淘寶貨