唔飲奶，你死咗啦。

如果講生物傳宗接代係天職，我諗喂奶嘅重要性都好緊要。喂母乳係所有哺乳類動物都會做嘅事，除咗人類偏好用奶粉去替代。亦都唔知係咪因為咁樣，所以大家覺得你影張用奶樽喂奶嘅相係好Sweet 好有愛，但如果你喝人奶就係暴露過火之類。

根本係影者無心，睇者有意。

我諗迎接新生命嘅快樂真係好難以想像，無論係佢出世、學行路、叫爸爸媽媽、定係返學，對父母都會好有記念價值，亦會好想同人分享——當然包括埋喂奶依個時刻啦。只係「保守」嘅香港人一見到女人袒胸露臂就鍾意聲討一番先，睇唔到人地本身想分享嘅快樂，只係在意嬰兒咀裡面嗰一點會點樣敗壞風氣。

明明就係你心邪，而且香港人敗壞都唔係因為依件事啦，平時你有冇關心過香港？

餵母乳係自然而神聖，當然你可以選擇比你仔女飲奶粉，但身為哺乳類嘅人類點解會對喂母乳依個行為有咁多暇想同批評？點解幫個嬰兒影張全裸照可以周圍比三姑六婆睇得佢地大叫「哎吖好得意吖」，但個啊媽只係坐喺度喂下奶影張相都可以比咁多人口誅筆伐？

定係純粹你妒忌人地生完身材都好過你？

作者：毛言地

你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想； 毛言仍言，只因理想，本就是「理應去想」 http://www.facebook.com/MaoYanDe

閱讀後覺得好，請多多讚好及分享～：）