結婚嘅意義呀、兩性關係嘅相處呀，平時寫感情文唔多唔少都會提過，今日我就唔同大家講太多，因為今次我寫呢個故事，我諗，就算我將我呢兩年黎所有有關「關係」嘅文字同說話講哂佢聽，佢都唔會明。
點解？
Miffy 好急咁預約占卜，結果因為掛住整 Gel 甲所以遲到，我本身已經對佢印象麻麻，不過對客就唔應該有 Bias，加上見到佢好似好唔開心咁（無人話唔開心唔可以去整 Gel 甲嘅），我都係同平時一樣叫佢坐低打招呼。
比較遺憾嘅係，佢行入黎嗰下，我以為佢已經三十出頭，因為化妝略嫌老氣庸俗，或者係我不懂時髦，但我著實不懂普通放假出街有咩必要喺眼度痴上兩把大扇般嘅假眼睫毛。Too much。
Miffy 話要問姻緣，點知甫開口眼淚先行，唔講我仲以為佢係咪遭遇過啲咩惡夢一樣嘅感情問題。
點知。
「我已經廿六歲，都仲未有好男人⋯」Miffy 梨花帶雨，但我好衰，我諗嘅係：點解佢啲眼淚唔會漿住喺啲眼睫毛度……對唔住。回歸正題。係，佢話佢遇唔到好男人。咁香港女多男少，供不應求，所以單身女性總比男性多（但呢樣野亦造成令一個好搞笑嘅問題，下篇文我再同大家分享），所以遇唔啱另一半，有時都可能未必係個人問題，而係緣份未到。
問姻緣，通常都係幫個客睇下黎緊啲感情運呀、點樣識對方呀咁樣，不過 Miffy 唔係問呢啲。
「我想整容，整靚左我嘅叫價力就高左，咁就會多男人埋身，到時我咪可以揀囉！」Miffy 理直氣壯，「我已經唔想再比人揀，賣剩蔗咁，但係我唔知我應該整邊個位先可以增強姻緣呀！」
我，瞇起雙眼，努力地同自己講，唔好有 Bias，唔好反白眼，唔好有負面想法。雖然 Miffy 提出嘅問題唔止 Non sense 仲要好 On9，而佢會提出一個咁 On9 嘅問題，亦好有可能代表緊佢本人嘅心理質素、或者人格處事，唔多唔少都有少少 On9……儘管係咁，我，係唔可以先入為主認為個客係 On9 的。
所以我點點頭，就住 Miffy 提出嘅幾個部位開左牌（我真係無諗過咁嘅問題都可以開到牌，果然鑊鑊新鮮鑊鑊甘），咁其實副牌都好直接，答案一律講緊「整容幫唔到你催姻緣，只係你自己個人會開心左」。
Miffy 聽到呢度，又想喊，「咁我點先搵到好男人，你有無啲客介紹比我？」
我，再次瞇起雙眼，麻煩大家睇返呢一句數起上面第三段……Yes，個客問乜，我都唔可以 Judge，都唔可以當佢 On9，於是我苦笑一聲，「你真係風趣，哈哈哈哈哈哈。」
我呢種鄭家穎式六隻蝦笑法，假到咁，都居然順利幫我落到台，原因係 Miffy 聽完我笑之後，無再喊落去，仲下定決心，決定將頭先提出嘅部位一次過整哂，「三樣野加埋就應該增強到運氣喇！」
我無出聲，笑住起身送客，「加油呀！」我真係覺得自己好 Warm 好 Supportive。
靠樣搵食，一定有人好食過你；靠後生搵食，亦終會有一日唔再後生。本身個樣乾淨正常，其實好多男仔已經願意認識你，但係認識完，你入面內涵有幾多，呢啲，先係我叫你加油嘅地方。
我知大家好多意見想發表，黎，你地啲留言其實我全部會睇（不過懶唔覆啫），大家又點睇？
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月20日
