人大咗，識嘅人都多咗，圈子擴闊咗，除咗小學、中學同大學同學，你仲會有一堆舊同事，或者係一堆朋友嘅朋友，一齊玩嘅時候會好開心，但講到傾心事，通常都係搵返「閨蜜」。話說我其中一個「閨蜜」叫阿花，有次成大班朋友出嚟食飯，其中一個朋友事前whatsapp問我知唔知阿花已經買咗機票，幾日後就會飛去澳洲working holiday，Holy！咁大件事佢竟然完全無同我講過，我乜都唔知，然後成餐飯我都一直等佢講，但結果都係無，走嗰陣我終於忍唔住問佢。