《叮噹》「公民力量」教訓：拒絕含淚，推翻邪惡

（1:48:54開始）

近日Youtube翻看《叮噹》，竟然聽到「公民力量」之政治詞語。

話說學校開放日演出畫劇灰姑娘，每位男同學都想做王子角色，叮噹拿出「扮乜似乜牌」幫助大雄。大雄測試法寶四週巡視，遇到同樣發王子夢的技安和牙擦仔，之後出現爭執。

（技安背景配樂）
技安：大雄王子！
牙擦仔：唔知醜！
技安：睇下你呀，擺晒款咁，王子好叻呀？
牙擦仔：大雄咁既傻瓜，邊有資格做王子呀？
大雄：咁樣點得架？我先至係王子黎呀！
技安：係咁又點呀，雖然你係王子，好叻呀，我唔承認你！
牙擦仔：係呀係呀，呢啲就叫公民力量啦！
技安：你又冇王宮，又冇軍隊支持你！
牙擦仔：憑咩嘢做王子呀？
技安：你呢個咁冇用既王子，我地一定要推翻你！

好簡單，遇到不平之事，應該拒絕含淚，大膽否定別人，謀求取而代之。卡通片幾句精練對白，對比飯民大台滿口歪理，大人不如細路矣。

改寫一下對白，整件事切合香港實況。

民主派！唔知醜！
睇下你呀，擺晒款咁，飯民好叻呀？
你先至係民主派？係咁又點呀，雖然你係飯民，好叻呀？民主派又不去民主，反對派不去反對，我唔承認你，呢啲就叫公民力量！
你又冇願景，又冇政績支持你！憑咩嘢做飯民呀？
你呢個咁冇用既飯民，我地一定要推翻你！

現在年輕一代，企圖推翻腐敗無能的大雄飯民，實在是來得太遲，為什麼之前的香港人，竟無一人是男兒，唔係，連按安和牙擦仔都不如，挺身對抗大雄飯民？香港人在埋怨「點解變成咁」的時候，請自我反省一下，為何忍受出賣香港的他們，橫行政界三十年？我記起兩位前港督的說話，一是彭定康「香港最終會斷送在香港某些人手裡。」某些人是誰？可以是建制派藍屍，也可以是民主派黃屍，沒有誰比誰更高尚。另一位是衛奕信：

香港人的雙重性格，不止八九十年代，現今愚民俯拾皆是。大雄飯民惡貫滿盈，當出現問題時，他們竟敢厚著面皮說：為何無人站出來對抗大雄飯民？大有人在，不過香港人貪圖安穩，厭惡變革，每次含淚投票，政客愈養愈惡，敗局愈踩愈深，民生不行唔在講，爭取民主或守護一國兩制？Sorry都是偽命題啦。大雄飯民冇撚用矣。對抗大雄飯民的技安牙擦仔呢？一早被叮噹金手指法寶打殘了。到了今日還看到六旬大雄卓鬼拉票，吾人如何自處？請看衛奕信最後兩句：「我們不應捲入此情勢，快離開它。」

政治不需深奧理論，懷抱童子之心即可。

作者：瑪倫

任職銀行PB 界。願來生化成神風，翱翔天際。

閱讀後覺得好，請多多讚好及分享～：）