做男人做到鄭伊健一樣,無憾。

 

FB比鄭伊健洗版,因為佢喺大台台慶唱咗陣歌。一睇條片,不得了,明明五十歲都過埋,仍然都係Keep住咁嘅樣,就算佢而家翻拍古惑仔佢都依然會係嗰個陳浩南,唔會有佬嘅感覺。依樣嘢莫講話男人,女人都會羨慕死佢。曾經我覺得香港講到靚仔吳彥祖真係走唔甩,但當而家吳彥祖都開始漸露老態嘅時候,仲大佢幾年嘅鄭伊健依然同風雲年代一模一樣,真係嚇死人。

但我覺得佢最正嘅係咩風格都冇問題依下屈機。

佢一頭飄逸嘅頭髮冇邊幾個男人可以留得咁好睇自然之餘又冇半點女人嘅陰柔味,問心啊句連木村都冇佢留得咁Man。換件皮褸佢就係古惑仔,可以比而家嘅MK仔更MK;著三件頭笠條頸巾又可以有返成熟男人Feel;之前大台有一個由佢主持嘅旅遊節目,入面嘅佢將自己大細路一面表露無遺,但你又唔會覺得眼前嘅鄭伊健有半點違和感。無論做咩著咩襯咩都可以有自己唔同但又夾嘅Style。由三歲到八十歲嘅女性都會嗒糖,由MK妹鄰家女孩到成熟OL都可以一網打盡,有男人唔想?你唔好呃我。

佢拍戲做咩角色都入型入格,或多或少都靠佢萬能配搭嘅天份:陳浩南、聶風、華英雄,每個經典地位都無可代替,就算後來有人搵其他人去做浩南哥依個角色,真係一啲味道都拍唔返出嚟。單單個樣已經咁剎食,但唔好唔記得當初嘅鄭伊健係由歌手出道,仲要師承羅文,又有樣又有歌喉,仲有一班戲裡戲外都情如手足嘅兄弟,加埋蒙嘉慧依位老婆,做人可以做到依個地步,我真係諗唔到仲有咩可以挑剔嘅地方。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 187414
Date: 2018-11-21 20:33:50
Generated at: 2021-05-13 17:44:52
Permalink: https://www.vjmedia.com.hk/articles/2018/11/21/187414/做男人做到鄭伊健一樣,無憾。