以前科技冇咁發達，如果你淨係肯睇《蘋果日報》，你當然唔會知道泛民人物劣績班班。民主派係唔會犯錯嘅，任何人批評佢哋，佢哋就會有班人咬返你轉頭。當青政都曾經被被當成中共奸細嘅時候，當馮檢基都會俾蘋果老屈同中共打交道嘅時候，你可想而知，呢幾十年嚟無辜被屈係親中親共嘅泛民批評者有幾多。你既然唔信呢啲「中共奸細」對泛民嘅批評，咁泛民主派梗係聖潔無瑕，一啲問題都冇，最衰都係共產黨抺黑。