從泛民看香港中老坑

立會補選過左，落選嘅泛民又點樣充分展現到香港垃圾中高層中老坑嘅質素呢？

一間公司嘅垃圾中高層中老坑係點？野又唔做又唔識做，將工作推比啲細嘅，有功自己袋有鑊細嘅孭，然後一句佢係呢行做左幾十年你要聽佢講要跟佢做，我話ok就ok啦，總之我穩袋月薪同你份佣金，你就幫我孭飛啦，點解？你份人工包埋嫁，係你責任黎嫁。

然後望一望泛民，選唔到就怪香港人心淡、年青人唔出黎投票、焦土等等……其實呢啲特質都係無承擔同自我中心嘅表現，自己永遠無錯，錯嘅係人地。遠嘅唔講，台灣九合一大選民進黨慘敗，蔡英文承擔全責辭去民進黨主席一職，同時行政院長賴清德總統府秘書長陳菊都一齊請辭。反觀香港嘅候選人，輸左嘅責任卸得就卸、賴得就賴，然後下次選舉又走出黎講自己從政幾多年，你投我啦~然後列啲唔需要實行嘅政綱比人睇……唔需要實行？係嫁，無政黨法又唔受商品說明條例所規管，所以政綱寫反東大嶼填海然後投同意撥款啲選民都一樣要含淚接受，或者搏選民投完唔跟進，咁樣又一樣穩袋議員酬津。議案通過唔到？市民都唔肯行出黎推例呢啲議案，得我一票有咩用姐。

其實好簡單，你嘅能力說服唔到選民投票，啲選民咪唔投囉。唔好怪焦土唔好怪射落海先得嫁，你唔諗下你地做得差，執屎嘅食屎嘅係下一代，係年青人。幫你地擦屁股仲要比人屌票屌返轉頭，邊個甘心走出黎投票？我走多轉日本身心愉快唔好？點解要受你氣呢？我都要好大勇氣說服自己選你出黎係唔會令自己蒙羞，你明唔明我地都知恥嫁。

作者：帆佬

90後廢青，夢想係拍電影同入商台做DJ。

閱讀後覺得好，請多多讚好及分享～：）