由跎住阿B開始，我老婆就有D「腎腎地」，不時無理取鬧，動不動就一地玻璃，唔係話人針對弡就話人對佢唔好，各様那様咁，覇道猶如強國遊客。起初我以為果D乜乜産前産後仰鬱，咪乜鬼都遷就弡，明明「係」佢話「唔係」都無問題，指鹿為馬我想只是一個時期，到阿B大一點，情形可能有所改善。可惜、我太天真了，老婆上埋D親子媽媽討論區後，情況只會變本加厲，有時行為比食左屎更「臭襠」！
話説老婆提議帶阿B「玩鐵板据扒」，（阿B當時快兩歳）。我知老婆諗乜，佢更係幻想緊D汁淋落塊鐵板扒上面，發出吱吱聲猶如煙花大放，阿Ｂ就拍晒手開心大叫，然後就立即拍片拍相Post上網曬。老實、我心諗呢一趟好似有D「糯味」，總係有D中計feel。
一坐低阿B有理無理自己係度玩GTR，老婆個樣係懶係興致勃勃咁。點餐時，個侍應話無兒童餐我就應該知道「瀨左野」。於是我自己保守D就叫左份西冷，老婆吾知做乜鬼走去叫份Ｔ骨扒，梗係係D吾知乜鬼網站見到D BB 唔識食大塊肉之類，攪到成面汚糟晒既片好鬼得意，於是有様學様！呢個時候，視線轉向手握GTR既阿B：「今次仆街鳥！」
經過忐忑約二十分鐘，份Ｔ骨扒竟然到先，我心諗無得用份西冷黎轉移視綫，「大穫鳥！」。見老婆將個電話轉定拍攝Mode，向著阿B就位，恐怖既即將發生了。
侍應將D燒汁倒到鐵板上，熱氣及吱吱聲如期出現，但期待的「阿B忘我拍哂手大笑大叫」沒有出現到，取而代之是阿B瘋狂既喊聲。原來上鐵板扒既時候，大家為避勉熱氣及淺到燒汁，身位也向後退一點。阿B也很「醒」照做，但把GTR漏放在鐵板旁，燒汁淺到弡架心愛既GTR上，梗係大喊啦。老婆捕唔到期待畫面，已經即時「黒面」了。我心諗，「我頂！千算萬算竟然計漏部GTR, Oh! NO!」
黑面老婆花了一陣定個神來，而我也暗抽一口涼氣。這次老婆想逗阿B「玩食扒」，逗之良久，阿B也不與反應，只是心有不甘地望住部GTR。老婆看似就要「爆」了，我暗為阿B打氣：「阿B交少少戲就掂了，唔係今晩大家無運行！」老婆逗阿B好耐也不得逞，塊面也黒到個平底鑊咁，同時亦儲足氣要爆了，我這時很想借尿遁，入廁所避一避方為上策。可惜，侍應再到、西冷上。老婆個様好似見返自己著住校服少女look相一様，立即開著電話拍攝Mode就位。可惜，阿B却只是忿怒様的向侍應講了三個字，三個唔同音既相同字：「打、dar、 doz！」，這三個字猶如魔鬼解咒一様，放出了一頭兇獸，老婆核爆鳥！
核爆鳥對著侍應一連串失控式破口大罵：
「我覺得你間野好有問題囉〜點解Ｄ汁會咁熱架，好易辣到D細路架！你Ｄ位咁窄既！好危險架！火燭都走唔到啦！D扒可唔可以吾好甘大塊，咁大舊骨D細路食唔到呀麻！〜」
侍應無奈地回應：
「餐牌有標明毎種扒既重量，Ｔ骨扒一定有骨喎〜」
聽到呢到我差D忍唔住笑出黎，個男侍應則以求救既眼神望住我，
我心諗，「哥仔！我救你唔到喎，我大穫過你啦！」
這時老婆既回應更是爆笑頂癮：
「得個重量好巴閉，有重量點知幾大先喎！我叫Ｔ骨扒姐〜你唔一定比埋舊骨我呀麻〜…….」
我心諗，Ｔ骨扒走Ｔ的確前衛新穎喎！這時阿B唔知點解係度拍晒手半帶笑，可能係見到個侍應被人鬧既無奈儍様吧。而老婆見状就立即變回「媽媽影開心寳寳Mode」埋頭苦幹。一切又彷如什麼也沒發生過一様。我把握時間示意侍應離開，而自己則9秒9到出面櫃枱埋單，為免侍應再到來而節外生枝，一個Ｔ骨扒走Ｔ的故事就此落幕。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年11月28日
