泛民就係冇牛肉嘅牛丸

在下記得若干年前消委會某個調查發現，市面上部份預先包裝零售牛丸的成份竟然沒有牛肉，香港地果然係充滿奇蹟嘅地方，繼菠蘿包冇菠蘿、行政長官不行政、立法會立唔到法之後，原來許多牛丸亦非牛。

假如閣下喜歡吃牛丸，吃了大半生，然後今日才發現原來你一直津津有味讚口不絕嘅「牛丸」原來係膺品，我相信你一定會屌哂老母，隨時成為臭口親朋戚友嘅笑柄，你會三緘其口，或者對提起呢件事嘅人例牌否認，畢竟任何人的口味和價值觀都是非常主觀 Legacy，我姑且稱之為「人格核心價值」，任何人被現實狠狠否定自己一直深信的價值，都是傷及自尊的慘西事。

舉一反三來說，牛丸冇牛肉呢回事跟近日九龍西補選泛民 & Friends 再次慘敗給獻世派後，由上游老不死那堆賢達到下游泛民啦啦隊和信徒發哂癲到處扣帽子獵巫。草木皆「投共」，泛民消費三十年所謂「正邪之戰」「我就係民意大多數」的神話被客觀現實徹底粉碎，他們那種氣急敗壞醜態畢露，實在是嘔撚心，教親者窘恨者快。

香港根本沒有焦土派本土派，泛民所謂心魔乜派物派收共產黨錢要佢哋輸，完全是笑話，愈來愈多人離棄泛民，表面上是拒絕再含X投票，離教者/恨泛民者其實都是國王新衣的小孩，大家都看到裸跑的泛民政棍，不想再隨癡線佬/婆跳自欺欺人的「一國兩制冇問題」忠字舞，偏偏仍在朋黨吹噓夢中的泛民 & Friends 只懂杯弓蛇影，結果招致是次選戰大敗。

對不起，這其實不算選戰，它只是一場泛民服了Matrix 藍色藥丸，自以為「公平公正公開」的濕鳩篩選，港共借篩選幾個民選議員來佈置這個天仙局，由2016到2018，一堆九萬六獵人就埋首吮和舉，雙普選？港人治港？真普選？泛民早就棄之厥如，一隻兩隻N隻政工作者只懂烏蠅摟屎般，圍繞那個議席花瓶轉呀轉，政見？政綱？政策？笑撚死人啦，泛民早就忘了所謂從政究竟有乜願景。

泛民現在就是冇牛肉嘅牛丸，還算是牛丸嗎？

話時話，其實我真心想食由真·牛肉製作而成嘅真·牛丸，有冇讀者朋友私底下能介紹一下？畢竟吃了幾十年偽牛丸，人一世物一世，都想爭一口氣。

作者：爽健

不求聞達於諸侯，只願笑傲賞江湖。

閱讀後覺得好，請多多讚好及分享～：）