去蒲前要揀好底褲

 

「張琪琪!你而家去grad din呀?」一入房,Carla姐即刻屌柒阿琪。

「吓?」阿琪回頭,一臉茫然:「你唔係話帶我去蒲咩?」

「你都知我地去蒲呢?咁你又同我着童裝?」Carla姐上前,一嘢秤起阿琪條雪紡背心裙。

「吓?唔係呀⋯⋯我特登去H&M買㗎⋯⋯」阿琪慌失失咁望住自己條裙。

六年前,阿琪仲係一位大學生,第一次跟Carla姐去蒲。嗰晚,Carla姐叫佢早少少去自己屋企,一齊打扮,以防有咩閃失。呢一刻,Carla姐認為自己嘅決定係正確嘅。

「仲要特登買!你唔露下波都露下腳啦?屌!」Carla姐冇咁好氣,打開自己衣櫃,搵咗條超短燈籠裙出嚟,大力掟畀阿琪:「着咗佢!」

「哦⋯⋯」阿琪照做,即刻換裙。

「等陣——」阿琪除淨內衣褲,正想換上另一條裙,Carla姐就截住佢:「你做乜着阿婆底褲呀?」

「吓?」阿琪呆咗:「我求其着㗎咋,都冇人見到㗎啦⋯⋯」

「屌!咁你會扑嘢㗎嘛!人地一拉開你條裙,見到條阿婆底褲,鳩都縮啦!」Carla姐再次破口大罵。

「吓?我、我冇、我冇諗住one night stand㗎Carla姐⋯⋯」阿琪好驚訝,完全冇預過會上床。

「屌!你會㗎!你會扑嘢㗎!」喺Carla姐嘅生命裡,去蒲同扑嘢就好似叫鴨同扑嘢咁,係一個package嚟,分唔開嘅。佢估唔到阿琪冇呢一個概念,只好話:「唉,屌,你今晚都係唔好扑嘢住,同人摷下好啦。」嗯,冇得扑,叫隻鴨幫你奶兩下都好。

阿琪完全mind fucked,佢開始懷疑,自己唔係去緊clubbing,而係fucking,佢有啲卻步,但見到Carla姐嘅熊熊烈火,佢實在唔敢縮沙,只好硬著頭皮換上裙,同Carla姐坐的士出發。

等的士時,阿琪先有閒情打量Carla姐嘅造型,Carla姐一身低胸摟屌裙,加上鱷魚皮高跟鞋,將佢嘅34E胸部、38吋長腿完美展現。唔知Carla姐着咩底褲㗎呢?阿琪心諗。

「Carla姐,咁你係着咩底褲㗎?」阿琪細細聲咁問。

「我?等你蒲到去我個level就知㗎啦。」Carla姐自信一笑。其實使乜去到佢個level先知呀,阿琪去到Levels已經知。

嗰晚,Carla姐帶阿琪去Levels玩。入到去,個場嘈到拆天,阿琪嚇咗一跳。Carla姐帶佢去朋友Brian張枱,一齊飲酒,再拉佢入舞池,同佢講:「鳩un就得㗎,等下見到靚仔就同佢玩啦,唔使理我。」阿琪唯唯諾諾咁話好,然後生硬地鳩un。過咗冇耐,Carla姐已經同緊一條仔打車輪,完全冇理到阿琪,打打下仲失蹤咗。阿琪唔見咗Carla姐,就返去Brian張枱搵佢。

「Carla姐冇返過嚟喎。你WhatsApp佢問下,同我地玩住先囉!」Brian回答。阿琪只好坐喺道,同Brian傾下計,等Carla姐返嚟。等到凌晨四點,Carla姐都冇返嚟,又冇覆WhatsApp,阿琪好擔心。

「哈哈,Carla姐一定又去咗溫bio啦。」Brian奸笑,暗示Carla姐跟咗人去開房。

「唔會掛⋯⋯Carla姐唔會掟低我嘅⋯⋯」阿琪唔相信Carla姐會咁冇義氣。

呢個時候,Brian收到一個WhatsApp,入面係一段片。佢一打開段片,即刻笑到仆街,再同阿琪講:「屌!唔到你唔信!」然後show段片畀阿琪睇——Carla姐同條仔喺廁格扑嘢。段片入面,播放緊《We Found Love》,Carla姐條裙拉到上腰,條仔瘋狂後入佢,兩個人十分忘我,啪咗一分鐘先發現有人偷拍,立即逃走。

「屌,怪唔知得要掟低你啦,人地要轉場呀!」Brian笑到停唔到。呢一刻,阿琪極之錯愕,呆咗坐喺道。Brian見阿琪咁慘,第一次去蒲就俾Carla姐掟低,就送佢返屋企啦。

送到阿琪返hall,Brian安慰阿琪:「唔好咁頹啦,Carla姐一時太開心,先唔記得咗你唧。」

「哈哈,唔會。」阿琪苦笑:「至少,我都學到嘢呀。」

「學到咩?」Brian問。

「夜啦,我返去先,多謝你送我,拜拜。」阿琪冇答到Brian就走咗。

佢永遠唔會忘記,段片清晰地展示,條仔拉開Carla姐pat pat上條繩,就可以後入佢,十分方便——因為,Carla姐係著T-black㗎。

 

作者:霏子

霏子
Fayly .Party Host .不務正業、自甘墮落 .香港大學主修文學及文化研究

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 187778
Date: 2018-11-29 23:51:57
Generated at: 2020-09-28 17:06:36
Permalink: https://www.vjmedia.com.hk/articles/2018/11/29/187778/去蒲前要揀好底褲