本能容易界定，但講到個別物種嘅本性，任何形式嘅一概而論，難免都會失諸武斷。即使係世人成日掛喺口邊嘅人性人性，其實都係因時而異，因勢而變，講到家貓嘅貓性本性，真係唔知點樣至係客觀。根據目前考古成果，科學家認定家貓由北非地區利比亞野貓演化而成，與人類共存約有一萬年，而相遇之因，係後者步入農業社會，糧倉穀麥堆積，家貓可以捕鼠同依附人類餵飼而得以繁衍。如果話貓科動物真有本性，本性大概早已因為人類而扭曲。