Deliveroo 逐單計人工試驗期即將屆滿，各位參與咗試驗期嘅師兄／師姐，即將要選擇是否正式轉做逐單計人工。
首先我可以好清楚同大家講一聲
呢篇文寫嘅出發點已經係來自全香港最多單嘅區，如果你嗰區食飯嘅繁忙時間都唔係一拉完張單即刻入單俾您嘅話，你已經可以直接send email同公司講話用返時薪制度計算人工啦。因為你要做啲嘢人工先會高咗，而只要繁忙時間都唔係一拉完成即刻有單，你哋可以唔洗諗逐單計，時薪比較好
如果從數據上嚟睇，逐單計嘅人工可能會係高咗，但係講緊嘅係要做緊一樣野先至會發生以下事情 —— 你要揀單嚟做，因為九成九嘅單嗰個價錢係絕對過低，而且完成時間嚴重不合理嘅
一開始我哋問公司單錢點樣計算嘅時候，公司係絕對無一個合理解釋講過出嚟，甚至問返公司有冇客觀指標去計都話答你唔到。
根據收集到嘅數據發現，個單錢根本係海鮮價。響逐單計人工試驗期嘅初期，有某一區參與咗試驗期嘅同事聚集埋一齊，佢哋將接到嘅取消，佢哋發現當一張單被拒絕送遞，單錢會向上增加，講緊嘅係每踢一次單都會增加，咁嗰單錢如何係計算距離而釐定呢？全部響同一個位置聚集埋一齊喎，起點距離係一樣喎。
另外，個系統對於斜路係計算唔到嘅，因為如果張單係有啲斜路嘅而地圖上睇落係好近嘅，張單係會異常地低價，咁樣同剝削有咩分別？
基於種種以上會發生嘅事，有個方法係可以避免嘅，就係揀單做，要張單係真係合理先做，但係我見過最誇張嘅case，係響10分鐘之內連續踢咗10張單，因為嗰10分鐘內收到嘅單全部都不合理，點做。
但係呢個方法必須要保證係夠多單做先得，只不過而家連最旺嗰幾區因為人多咗都唔夠單做，同埋其實係咁踢都要好大勇氣先得，咁其實逐單計真係可以唔駛諗，逐單計係一個伏嚟。
咁點樣先至可以取消試驗計劃呢？
咁就盡快send 封email 俾公司話要轉返時薪制都啦。
記得響內容入面寫清楚你個英文全名，你嘅rider id 同埋講清楚要轉返時薪制。
記得要盡快做，你必須要響2018年12月4日 23：59分前，send 出呢封電郵，否則會有可能默認你轉做逐單計，而且係無補貼。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月1日
