我好鍾意同大學生傾計。
係，你可以輕輕一句「而家啲大學生都唔知想點」，或者「啲學生唔識做人」，所以唔知我有咩好傾。OK，某程度上我認同的，不過又咁諗，我自己當年又何嘗唔係一個入世未深、不識好歹嘅𡃁妹，見工無技巧，入職得罪人講錯野⋯⋯
相信大部分人都是這樣走過來的，碰過壁就會成長，而成長呢一樣野，係每個人於所有階段都會面對的事。
而搵工，係所有學生離開學校之後第一個「階段」。
我見緊學生入面，不乏讀 Law、讀醫嘅學生，你可能會話，呢啲神科學生有咩煩？人生已經係一條直路咁安排好啦？
篇幅有限，今次呢篇文我就講咗啲所謂勁科嘅學生先，至於其他喺世俗眼中被視為較平凡嘅科目，留待下文再講。
舉個例。Rosanne 爸爸做工程師，媽媽做會計師，阿哥讀醫，佢，自細就被灌輸了「你長大要當律師」的概念。
然而，Rosanne 真正的興趣，係烹飪，當中猶以整糕點為上。我食過佢親手做號蘋果批，香而不膩。
Rosanne 每次黎都會同我分享烘培心得（因為我都好鍾意用焗爐整野食），講到眉飛色舞；但我嗰次問佢，「咁你其實想唔想做律師？」時⋯⋯
Rosanne 眼眶紅了，「我目前無得揀。」
例子二。Daniel 出身清貧，一心為咗改善屋企環境而想成為專業人士，所以讀 Law。但係實習過後，Daniel 明白到呢個圈子並唔係靠咩理想、堅持或者努力就有得上位的，同埋，呢個行業並唔一定代表明辨是非。
「講到尾都係金錢玩意，我亦唔識擦鞋，我唔知，但我覺得，成為律師，我其實邊個都幫唔到，我只係爆肝黎換份糧，但係無人會記得我。」
睇到呢度，你可能會覺得啲大學生冇嘢攞野黎煩，有律師咪去做囉，份糧幾好呀；係嘅，我認同嘅，係生活嘅層面，有糧出點都好過冇糧出。
不過，我亦需要好坦白咁講一句，我其實好欣賞啲朋友仔有用心去了解過自己嘅喜好同需要。返工，返一世㗎，假如你目前做緊嘅工作係你自己好討厭嘅事，就算你幾用心、就算你嗰個工作外界聽落去有幾咁勁都好，你都冇可能做得好。
假如你有你想做嘅嘢，唔緊要，唔需要覺得驚，冇人話一定要行直路條路先至行得通。我手頭上見過好多客人，讀嗰科但係未必做返嗰一行，一樣生活得好好。
不過，我唔係想慫恿大家做夢想家，假設你真係冇特別嘅嘢想做嘅話，點都請你有份工喺手先，大學生剛剛畢業但係冇糧出嘅話，就算你屋企冇比壓力你，你見到身邊啲同學個個開始返工，我相信你個心都一定唔會好受。
至於之後條路想點行，每個人都唔同，但係最緊要嘅係你要了解自己嘅心。
名校老師婚外情的故事
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月2日
