入場睇戲，好多人話又泵又乜，睇完回水云云。
係到講下小弟既見解，我唔敢話教人乜野係好戲，相反，我想分享下乜野戲係爛片，入場十之八九會中伏，呢D戲有D乜野特徵。
先講乜野係商業戲，當然商業片也有好睇，但有乜係商到唔商，睇完等於冇睇果D，呢D片通常玩武打，港式武打，但又會加入打日本仔原素，甚或打鬼佬，因為這片房保證公式，亦是大陸白癡觀眾既情意結。如見這類片，你自覺好「好」武打，又覺純粹睇打一獲，咁go ahead.，但我自己就無謂曬錢了。
第二類既爛片，就係人都會意識到，通常係西片，即你乜野狂蟒之災，乜大蛛怪等等，唔好話比我知你唔識分，見到呢D戲，一般人都吾會入去睇，當然，有一D專登去睇呢類戲，有鋪癮除外。
第三類就係cult 片（定義自己上網查吧），一般人係應該冇興趣，比較冇厘頭，多是一D超現實題材，但我自己就鍾意睇。
第四類，我最憎既一類，垃圾片，這類片既特徵通常會有一個大cast 明星撐起個戲，其餘既野就不知所謂，如天機吾知乜春圖，有華仔頂住，但成套好明顯垃圾，又如西遊垃圾篇，擺明周星馳搵舒皮頂住來呃錢，係大陸先有傻仔叫好入埸。
第五類，好簡單，但凡所有電視紅左再搬上大銀幕，通常會賴野，尤其係港產，所以唔好再「小」什麼衝上乜宵了，呢類情形，得日本片博得過，如神探伽哩略，律政風雲。
另外，但凡第二集果D，先自動扣左30分先，再衡量自己又幾愛吧，入埸除左要錢，還要時間，施主，回頭是岸啊！
還有大堆頭，故事無主題，齊娃娃果D，通常係賀歲片，唔駛講啦！你話純粹過年得啖笑咪入去羅，我就情願返去loop番 N 次家有喜事了，時勢吾好，留番錢響袋穩陣D啦。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月2日
