我想介紹 Rosie 畀大家認識

我想介紹 Rosie 畀大家認識。

「印象中喺我仲係細細個、未識行未識走嘅時候，Rosie 已經成日喺我身邊。

Rosie 會陪伴我返學、放學。記得我仲返緊幼稚園嘅時候，Rosie 會喺課室出面等我。有時候，會在門口同我揮揮手，我又同佢揮揮手。

放學嘅時候，無論坐車仔好、或者慢慢行返屋企都好，Rosie 都會拖住我隻手。返到屋企，Rosie 又會等我洗手，跟住同我入房仔玩。當我玩到攰、要瞓晏覺嘅時候，Rosie 又會靜靜地喺床邊陪住我。

Rosie 對我好好，喺爸爸媽咪鬧我嘅時候，佢總會安慰我；有時候，姐姐太忙唔理我嘅時候，Rosie 都會同我玩、同我傾計；夜晚食完飯嘅時候，爸爸媽咪會睇電視，我就會跟住 Rosie 喺屋企四圍行下，有時入下廚房、有時入下廁所。

有 Rosie 喺身邊，我都好開心。不過爸爸媽咪、同姐姐一直都好似唔係咁鍾意 Rosie，好少傾計、好少玩。

直至那年細佬出世後，我就好少見到 Rosie。不過到我而家大個啦，我都好掛住 Rosie。我知道我應該都唔會再見到 Rosie，但我都希望佢可以好似我咁開開心心。」

完。

作者：麥錦鈿

閱讀後覺得好，請多多讚好及分享～：）