不齒

（photo via cc Flickr user Kalyan Chakravarthy）

之前有關結婚拍野論，友人問我點解咁興，人地慳D關你鬼事，被人揾左笨，下次咪唔好掣囉。

我説這不是人人慳D嘅問題咁簡單，是社會問題、唯心嘅問題。比例説，你認為香港最低工資32.5可以接受嗎？美國最低工資為7.25美元、英國為7.06美元、澳洲最高時薪為9.54美元、日本則有713日元！香港枉稱什麽國際大都會，東方之珠時薪得果32.5港元，仲要施捨乞兒地比多果5毫子。每天看見街上那些食環處外判清潔嬸嬸，大熱天時推著木頭車，幹著厭惡性既體力勞動，時薪就只得32.5港元，情何以堪！

香港人D錢去左邊？做生意，眾所週知，係材料貨錢、土地資源（租金）、人力資源。D做生意既舖頭點生存，咪慳材料錢，壓低工人人工，俾最低工資，度到盡，將慳左果D黎應付香港不合理既租金，最後香港人嘅錢就跌唒落D地產商袋裡，呢D契弟係到賺緊佢地吾應該賺既錢，搶劫别人辛勞應得既回報，香港政府就係將之合法化既幫凶！你到餐廳食碗麵，究竟幾多材料人工心機食到嘴裡，我可以告訴你，一碗價50港元既拉麵，只有7至10元價值，當中40元係畀店主交租的！

因此，你不贊同增加最低工資，即變相贊成剝削工人，鼓吹地產霸權！為何不減租，等工作旣人得到應得嘅收入同待遇。

同樣情況，一對新人結婚會做D乜野？無非係組織二人世界，買樓生仔！結婚樣樣度縮，淘寳婚纱、化平妝，老屈友人影度縮相，諗拍平既宿數video，最終就係慳埋D錢去買樓！呢D咪又係去迎合地產霸權，我就是不齒這些逆來順受鼓吹霸權嘅行為，我就係果D行多幾條街，貴多幾毫子，都要幫襯舖仔士多唔去超市嘅人！

同様道理，我成日同D人講，如果你鍾意小動物，貓貓狗狗，請你地去領養，千萬吾好去寵物店買！點解？寵物店嘅貓狗大都來自非法繁殖場，尤其係純種貓狗，商人為增量，賺更多既利益，係會縛著母狗四肢，不斷揾公狗和佢交配，不斷生狗仔。佢生命就係係不能活動既狹小空間，縛著四肢，交配生育，直至生命完結！你接受到這種虐待生命行為嗎！

請大家尤其小女孩，行過寵物鋪時，唔好見到D小狗小貓，就大聲講好「打耳」就去買！須知道你去幫襯寵物店，即係變相支持非法繁殖場，支持這些虐待行為，要養請到防止虐畜會或志願組織領養吧！

好多人行為，就正正反映社會嘅黑暗，人類既懦弱怕事及貪婪無知！

作者：不行鳥

大學時的不學無術，社會時求知不倦，家中的窩裡廢，外遊就積極不怠

閱讀後覺得好，請多多讚好及分享～：）