叫香港人爭取民主?你叫佢地唔好再用WhatsApp 再講啦。

 

WhatsApp,一個空有市佔率,喺同範疇中一無事處、無一可取、少做少錯多做多錯嘅通訊軟件。以最初喺香港紅起嘅通訊軟件、成為香港主流。然而在一眾後起之秀,整合Facebook平台嘅fbmessager、以海量官方stickers作賣點嘅line、甚至功能最為強大的通訊軟件telegram,都要活喺whatsapp嘅陰影之下。到底whatsapp有咩賣點、有咩功能係特別吸引呢?

無錯,答案唔洗多講,係完全無。

Whatsapp以先來者自居,可惜以極慢嘅速度更新同類軟件早已配備嘅功能。例如因為太遲實裝而引發「姐夫事件」(唔明嘅去谷歌下姐夫)嘅信息修改/刪除功能;為左方便回應指定訊息嘅引用功能;甚至係近日先實裝嘅sticker系統,其實早已經喺不同同類軟件(尤其是telegram)實裝。

更加唔好講whatsapp個sticker系統,係要逐張逐張加入我的最愛。有個官方頻道為左宣傳佢旗下嘅sticker,要set一條link比每個人想要sticker嘅人send message比官方,再由官方一口氣將所有sticker全部send一次比想要嘅人。收費嘅Line同免費嘅telegram,都係用sticker pack做安裝單位,無人會咁傻仔逐張逐張黎架。

而且whatsapp有個致命缺憾,就係手機無電,你就無辦法存取到whatsapp入面所有嘢。所有嘅通訊軟件,都會開發網頁版甚至PC版,去方便用家用電腦就可以拎到收到腥到信訊,諸如fbmessager、line、telegram甚至whatsapp都有。但係whatsapp可以天才到一個點,網頁、電腦版都只係連接返你部電話。所以當你電話用唔到嘅時候,電腦都係用唔到whatsapp。

講到whatsapp咁多缺點,咁點解仲係咁多人用whatsapp?每次我電話無電就會開始怨whatsapp有問題。我朋友每次好精準咁回應左句:

「所有人都用緊,所以唔到我唔用。」

呢句係屈晒機、因為佢能夠解釋晒香港所有嘅嘢。點解香港人仲未爭取到民主?所有人都支持中國管治,所以我支持民主唔到。你呢一句車落去泛民到佢駁唔到你架。點解?因為佢都支持,呢句係客觀陳述。當然我唔係話我朋友錯,我都明個難處,畢竟通訊軟件得自己用,係通訊唔到。而係點解香港人都唔會去反抗一個電話app,選擇一個更好嘅?

不過咁,你唔洗懶叻咁答我。呢個問題係唔會有答案。如果你答到我嘅話,我會建議你去支持港獨,香港獨立到你至少都有個臨時大總統做下。

 

作者:緋色雪夜

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 188192
Date: 2018-12-11 12:31:19
Generated at: 2020-02-26 18:05:11
Permalink: https://www.vjmedia.com.hk/articles/2018/12/11/188192/叫香港人爭取民主?你叫佢地唔好再用whatsapp-再講啦。