話說，聖誕臨近。個台當然要搞吓噱頭啦。呢個噱頭就係——送iPhone 。玩法係每日做最多單嘅三位師兄師姐，就每人一部iPhone，活動為期一個星期，即係有21個名額。各位讀者見到係咪覺得好開心，想即刻出去搏多幾單，贏部iPhone 過肥年呢？等等等等，你哋冷靜啲先⋯⋯
筆者作為一個兼職司機，一開始重來冇諗過，亦唔相信會贏得到（或者所謂送電話根本冇存在過）。不過呢個都唔係重點，重點係個活動第一日已經出事。事緣個台每日都公佈上一日嘅得獎名單同埋完成嘅車程數目，就係第一次公佈得獎名單嘅時候，就已經引起左好多師兄師姐嘅譁然。原因係：得獎者完成嘅車程數目居然超過40張單，第一名個位仲要超過50張單。正宗睇完嚇一跳，然後得啖笑。
其實根據筆者經驗，以及各面書群組師兄師姐分享。其實一個小時平均可完成嘅車程其實得兩程，車程時間涉及前往上車地點嘅路程、等客上車、前往目的地嘅路程。如果你勁到唔食飯，唔去廁所，甚至唔洗入油黎踩足24小時，中間仲要係「單駁單」，唔可以中間冇單等運到。咁嘅話，最多都只能夠做到48單。
講到呢度，相信讀者們腦海中已經出現兩個大字：造數。冇錯，當呢個結果出左黎嘅時候，除左剛才呢兩隻字，仲有一大片恥笑聲。因為正常係唔會有人做得到。甚至有師兄師姐話，個活動根本就係益「親生仔」（即個別自己友，呢個問題日後再另文探討）。雖然之後個幾日（直至昨日），得獎者完成程數已經回落返「正常」水平（約30單左右），不過已經無人問津。
都係個句啦：落到自己袋嘅錢最實際！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月13日
