有創意咪又係比你屌

成日有人話香港冇創意，政府宣傳老土。結果水務署難得肯緊用下啲網絡梗圖去做下宣傳，唔再一味用張小畫家圖配兩句標語就算，其實我覺得好應該鼓勵一下。點知香港人唔單止唔接受，個個仲聖人上身企哂喺道德高地，又話暴力又話教唆殺人。

有創意又比你屌，想點啊？

創意依樣嘢係無限，你諗得出又做得到就可以。難得人地肯用啲比較跳脫少少嘅宣傳手法，用改圖去表達個意思。結果呢？你地咪又係唔受，咪又係屌到人地一文不值。鍾意笑人戴帽、樂見人地條女真係雞、人地自殺叫人唔好阻住返工，要死就死埋一邊嘅香港人，一張推人落懸崖嘅卡通圖又有幾打擊到你嘅心靈啊？平時笑啲師奶睇TVB睇到唔除衫嘅床戲都要投訴，而家你地血都見唔到滴都屌人暴力殘忍啦。

有時唔係香港冇創意，而係香港人好抗拒接受新意。啲劇集電影套路一式一樣會比人話悶，但你想破舊立新又會比人話睇唔慣同失去原本嘅味道。對住一班零嚐新意欲嘅人搞創意當然搞唔起，最慘就係之後喺依班人口中又會話而家嘅香港冇乜創意好悶好守舊之類，點解唔可以試多啲新嘢，點解唔可以好似以前點點點一樣咁好咁創新。唔係冇架大佬，不過係你地扼殺哂囉，你諗下有冇話過本地設計師啲嘢唔值咁貴，有冇話過點解改圖改稿都要收錢明明唔洗成本？

仲同我講冇創意？食屎啦你。

作者：毛言地

你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想； 毛言仍言，只因理想，本就是「理應去想」 http://www.facebook.com/MaoYanDe

閱讀後覺得好，請多多讚好及分享～：）