上次寫咗一篇有關同居嘅文章，有唔少讀者問我「神婆，點解篇文嘅文筆唔同咗嘅？」喂呀你地咁架，人地都有文青嘅一面架（笑）不過就黎聖誕，啲咁 heavy 嘅題材都係唔寫咁多住，今日寫返啲你地鍾意睇嘅（好似係）
做人有自信係好，但係凡事冇理由乜都真係相信自己嘅判斷，特別係面對一啲疑惑，你走去問人哋俾意見，人哋講乜你都唔信，咁你問黎做乜？
事緣係偶爾有啲朋友黎問牌，問完又唔信個結果，死都要我講出一個答案係佢想聽嘅。喂，其實如果你只係想尋求認同或者求拍打，上網叫春都得架，山長水遠嚟搵我，我講真話你又唔啱聽，大家辛苦大家，何必呢？
Richard 心儀一個女仔已久，打算聖誕節同人哋表白，「我覺得佢都對我有好感，不過佢靚女多人追，我所以我想乘勢出擊」咁話。
咁但係事實上呢，副牌開咗出嚟，個女仔只不過得 Richard 係普通朋友，其中一隻牌「逆位 Temperance」更加有「同 Richard 唔熟兼唔係咁啱傾」嘅意味喺入面。
我照直同 Richard 講「你表白機會唔大」，然後 Richard 做左一個好戲劇性嘅表情，講左一句「Oh Really」。
「Really 呀。」我都唔係第一次遇著好似 Richard 呢種反應嘅客，通常以男士居多，又，通常以自以為自己有返咁上下成就＋覺得自己好有魅力嘅男士居多，所以我嘅反應，係有少少「沒好氣」的，因為我知呢啲客一定會出聲反駁。
「之但係……（Richard 一講呢句，我就心諗「黎啦黎啦，要駁啦」）「個女仔都有同我兩個人食過飯，平時都會偶爾覆下我短訊咁。I don’t think she is not intetested in me.」
如果呢個世界可以好似《刀劍神域》咁手指一拉就可以凌空出個螢幕出黎，我會好想叫 Richard 即刻睇下我之前一篇講「人地覆你短訊唔代表鍾意你」嘅文章。奈何我唔識魔法。係，神婆係唔識魔法的，我淨係識開牌，咁副牌話你無機，我都係照直講。
「我覺得佢係鍾意我，有無邊隻牌開左出黎其實有咁嘅意思，你睇漏左？」
嘩，話我睇漏左添呀。大佬，一隻「逆位 Temperance」，一隻「逆位 Judgement」，其實我都真係無乜野可以補充，「我諗對方真係無咩特別意思，其實……」
Richard 係都唔比我好聲好氣打完場，「I don’t think so.」
我有少少反白眼，「如果你唔信我，其實你可以即刻比錢走，副牌你抽出黎係咁就係咁，如果 you don’t think so 嘅你可以按返 you think so 嘅方法去做。」我差啲想加一句「英文講得咁難聽，講到『艾凍冰蘇』四個字咁鏗鏘有力，好心就講返中文」，不過我當然無講呢一句。
「我唔係唔信你，不過我唔認為答案係咁，我點先會問到佢係鍾意我？」
我忍唔住笑左出聲，「我諗，我幫唔到你，不如搵其他師父幫你睇下？」
Richard 最後都係覺得我吹水呃佢咁樣走左去，不過，是但啦，同我無緣份就無謂勉強彼此。
祝福你呀 Richard！
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
適婚年齡女多男少，令到部份男士開始 FF 覺得自己條件特別好
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月14日
