【保險界那些事】當有老鬼突然返嚟做組爸你就要擔心下

 

 

「Bohimlo,見你最近寫咁多文,等我報啲料畀你,出多兩篇啦。」師弟Kyle話。

「好呀!洗耳恭聽!」

「我地hall呀,而家blacklist咗老鬼,因為佢借ocamp返嚟搵客!」

「嘩,咁識玩?More more!」

每年六至八月,都係一班大學生籌備ocamp嘅日子。學生會搞大o;學會搞中o或細o;宿生會搞hall o。Kyle係一間hall嘅宿生,return咗三年,所以hallo有咩風吹草動,佢都好清楚。

一般而言,hall o會搵下年return到嘅宿生參加ocamp,做下組爸媽、oc等,因為佢地可以長期喺hall,繼續照顧freshmen。但係,今年竟然有一位老鬼做組爸,佢就係Oliver啦。Oliver上過hall莊,落莊之後兩年都有return,叫做德高望重。今年,佢畢咗業一年,五月搵返現莊,話想返嚟玩hall o喎,咁老鬼開到聲,現莊都唔敢推嘅,就話畀佢返嚟做oc,一齊跳campfire開心下啦。

「吓?叫佢做oc,好似求其畀個位佢咁,有啲唔尊重喎。」我打斷Kyle。

「緊係唔係啦,現莊係為佢著想,先叫佢做oc㗎。你諗下,老鬼畢咗業,已經唔可以同仔女住hall,佢地出咗嚟做嘢,一定好忙啦,邊有時間re u?畀佢做組爸,佢都冇時間湊仔女啦。」Kyle解釋。

「咁又係⋯⋯」我又發現佢講得有道理。

「現莊諗,佢返嚟玩,都係想懷緬下唧。畀佢做oc,玩完一次冇手尾跟,又有得跳campfire,都叫唔錯呀,咪問佢做oc好唔好囉,點知佢竟然唔肯,話要做組爸!」Kyle話。

現莊見Oliver咁堅持,亦唔好意思拒絕佢,只好安排一組佢跟。呢一個決定,令到Oliver嗰組完美中伏。

三日兩夜嘅hallo中,Oliver都好投入,同仔女玩得好開心。直到hall o完咗,佢先向仔女伸出魔爪。開sem之後,Oliver積極約仔女re u,表示自己係一名經紀,而家撈得好掂,叫大家買保險要趁早,而家買就最好,買生不如買熟,搵佢買就一定好。嗰陣時,班仔女已經冇乜興趣,所以都係hea下佢就算。但係,Oliver冇放棄到。第一次reu後,佢逐個仔女WhatsApp,話出嚟見下面傾下計,有出到去嘅仔女,當然俾佢瘋狂sell保險,疲勞轟炸。終於,喺一次冇Oliver嘅hall內re u中,所有仔女先知大家都有俾Oliver煩過,就明白Oliver返嚟做組爸嘅真正目的——sell保險啦。組媽知道後,開咗第二個冇Oliver嘅WhatsApp group畀仔女,方便大家真正reu,亦通知咗現莊。

「咁現莊點處理?」我急住問。

「可以點呀。唯有約嗰一組出嚟,向佢地道歉囉。佢地仲記低咗件事,用嚟提醒下莊,日後blacklist Oliver呢個老鬼,同埋謝絕做保險嘅老鬼返嚟做組爸媽𠻹呀。」Kyle話。

「嘩,玩到搞ocamp都要blacklist人,我以後會唔會冇得踏足任何一間hall⋯⋯」

「哈,唔會嘅,不過你淨係返嚟跳campfire囉!」Kyle開玩笑。

「好,你放心,我唔會一路跳一路嗌『保險大法好』!」

 

【保險界那些事】

在酒吧溝女再呃單的保險佬
原來保險經紀會精神分裂
去speed dating 溝客的保險女
打客人嘅保險界新人
私吞客人錢嘅保險經紀

日常分享 Instagram: https://instagram.com/bohimlo

 

作者:Bohimlo

Bohimlo
90後保險佬,細個想開玩具店,送玩具畀小朋友,大個去咗做保險,同客人嘅仔女買儲蓄保險,等小朋友有錢買玩具。 日常分享 Instagram: https://instagram.com/bohimlo

閱讀後覺得好,請多多讚好及分享~:)

其他熱門文章

  • 港人學樂器小心被騙財——大提琴掠水記 by 莊公公
    二手琴市場好細,賣出去唔容易,價錢好低,香港地寸金尺土,仲要佔地方,即係擺明被勒索,如果唔係冇好日子過,以後上親堂有排煩。…
  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 鑽戒 by 藍兼併
    程子晴嫁給富商翁恭時只有24歲,而翁恭比她年長26年,二人的婚禮在五星級酒店舉行,城中名人富豪紛紛到賀,這段婚姻被外界視為父女戀,而程子晴承受着貪財嫁富翁的惡名。…
  • 朋友,並唔係要嚟搵笨㗎! by 小盛女
    「未諗㗎,都係落吓FB、Google廣告果啲,我畀啲相同價錢你,你幫我執吖。」Grace說。 「你係想我幫你整?你話我知總共要整幾多樣,幾時要完成,我再quote個價畀你啦。」我說。 「唔使咁大陣象!我哋咁熟,想你幫吓手咋,好簡單啫,你…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
歡迎讚好我們的facebook page,免費資訊源源送上。

文章資訊

ID: 188345
Date: 2018-12-15 15:42:06
Generated at: 2021-05-19 07:31:55
Permalink: https://www.vjmedia.com.hk/articles/2018/12/15/188345/【保險界那些事】當有老鬼突然返嚟做組爸你就要