班「學者」人人講五帝，話係《尚書》講嘅，《尚書》係古代公文匯編，夠權威喇，《尚書》話五帝就五帝。太史公就踢第一腳︰喂，《尚書》嘅文獻係由堯開始喎！唔夾喎！百家講嘅黃帝，又「其文不雅馴」喎，又係好多唔夾嘅說法喎。佢去問薦紳先生（先生即係老師喇）都話「難言之」，大老師都木宰羊喎！孔子嘅傳記話宰予問過〈五帝德〉同〈帝系姓〉兩篇古文，「儒者或不傳」即係話唔好亂咁傳講，即係孔子都唔敢話一定啱，唔好亂嚟。