由 Raymond Wong 發佈於 2018年12月16日星期日
周街派錢，報紙網上個個口誅筆伐，話係到教壞細路、引起混亂、人地成班一齊走去執錢又話人地貪心，又要拉又要鎖，不如話吃不到的葡萄是酸的，都只係出於呢兩日冇係黃金出面，冇得執錢，所以咪要講番D平衡心理，大仁大義嘅大道理出嚟。
香港人唔係一到財政預算案時、施政報告時，話要求政府派錢，然後又羨慕澳門年年派錢，派足10年，10年袋成9萬幾。澳門一話派錢，香港班師奶阿叔個個又係到話幸人地派，然後鬧香港政府唔肯派，到香港政府話派，結果過咗成年都未有得申請，我問馬會攞錢嘅累積都已經幾個4000蚊。
政府唔肯派錢，然後今日有條友出嚟，話之佢係正途賺到大把錢，十世洗唔哂又好，走粉定賣礦機當做功德又好，佢總之就去咗深水埗，最貧民區嘅地方到掟錢，香港人應該要高興，因為政府唔做，佢去做，應該望佢日日都掟錢，去足十八區天台掟，等香港人全民執錢，佢掟得高興，香港人又執得高興，個個笑到見牙唔見眼。
如果今日政府話你聽要學澳門咁，年年派錢，分享經濟成果，香港人實會繼續好似今日咁話政府教壞細路、應該投資呢樣個樣，不過錢都要照收。香港人其實真係好簡單，有屋住、有錢搵（話之打工定撈偏定搵馬會），咁咪會收聲，話之你今日立國歌法定廿三條呀。
所以派錢冇錯，錯的只係唔派阿公嘅錢。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月16日
