【塔羅個案】心儀一個男仔,然後介紹比姐妹,點知姐妹一星期後速食你心上人

文教 / 最新文章綜覽

 

呢個題目寫完之後我都覺得件事好老套,好 MK 活地亞倫啲電影 Feel,奈何原來喺現實世界,呢啲故事可能周圍都發生緊。

廿幾年黎從來未拍過拖嘅 Loraine,喺活動上面識左個男仔,因為大家都養狗嘅關係,發現大家都有入同一個養狗 Group,所以大家一見如故,交換左電話,開始交流寵物相,慢慢開始會講到啲比較私人嘅事。

Loraine 外表普通,鄰家女孩模樣,但唔算特別亮眼,所以佢一直唔算活得好有自信,一直認為自己無拖拍係「自己唔夠靚、唔夠識打扮」……OK 今日嘅重點並唔係討論「外表&姻緣嘅關係性」,所以呢一部份我唔著墨太多。

只不過呢個男仔,姑且稱呼佢為 Ben,Ben 嘅出現令 Loraine 心中燃起了一點希望,畢竟好耐未試過有一個男仔會願意咁樣去認識自己。雖然兩人除左短訊之外都無再單獨約過出黎見面食飯,不過 Loraine 知道自己已經喜歡上 Ben。

Loraine 有一要好姐妹 Jess,兩人由大學 Year 1 開始已經係打風都打唔甩嘅好朋友,同宿同眠,同系同莊,「我曾經以為有呢個朋友,係我大學生涯最美好嘅禮物。」

Jess 知道 Loraine 識左 Ben 之後,就不斷鼓勵 Loraine 約 Ben 出黎食飯,但因為 Loraine 怕羞,又唔想件事太刻意,所以餐飯,叫埋 Jess。

席上,Ben 做完運動過黎,一身肥皂香味,Loraine 臉紅了。反倒是 Jess,臉不紅氣不喘,「你做開咩運動?」「邊間?」「呀之前我朋友去過邊度邊度練到馬甲線……」咁樣一句又一句地同 Ben 開始左話題。

由運動,到養狗,到屋企養唔到狗,到居住問題,到你屋企住邊。Loraine 佩服 Jess 點解可以咁一氣呵成地帶起成餐飯嘅氣氛,而自己每次同 Ben 講野,就一句起兩句止。

呢餐飯完左後,Jess 同 Ben 地鐵係同一方向,Loraine 就坐巴士。望住姐妹與心上人一起離去嗰個畫面,佢個心有少少不安。

然後,不安,成真。

Loraine 之後去左首爾旅行,旅程是早就安排好的,與中學幾個女仔朋友一齊去。旅程最後一日,佢開 IG,正想擺相話「而家返香港」,點知。

佢見到 Ben IG 有新 Update,已經有過百個讚好,只見 Ben 笑得有少少怕羞,隔離有個女仔半掩笑面,正是自己好姐妹 Jess。

「My sweetheart.」Status 如是說。

Loraine 好嬲,好唔開心。

「我想知 Jess 係咪從一開始就已經搶阿 Ben。」

其實,我覺得又唔可以用個搶字,畢竟 Ben 同 Loraine 十劃都未有一撇,同埋 Ben 識左 Loraine 成半年都無約過出黎,其實佢對 Loraine 本來就無咩意思。加上,Jess 其實根本唔知 Loraine 鍾意 Ben,只係覺得 Loraine single 又有男仔朋友咪出黎認識下,所以,喺 Jess 嘅立場,佢仲好多謝 Loraine 做左佢媒人。

聽到呢度,Loraine 都唔知笑定喊好。

「但係我識 Ben 在先,佢係咪都要同我講聲呢?」

我無言,在朋友立場上,Jess 同 Loraine 講一句好似的確會好啲,雖然話緣份嘅野⋯⋯⋯

不過,開牌出黎,原來 Jess 係見 Loraine 食飯當晚無乜野講,以為 Loraine 對 Ben 只係普通朋友,又加上 Ben 事後又真係日日都約 Jess 食飯睇戲,兩個人先發展得咁快(一星期就一齊左,好快呀大佬)

睇到呢度嘅各位朋友,你地又點睇呢件事呢?

 

【塔羅牌個案分享】

女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
女性客戶開口埋口「我認為」,咁你有無理過對方點諗先?
我以為個客擔心病母健康,原來佢只係想快啲分身家
唔係乜野工作都可以上 JobsDB Apply 嘅,例如 DJ 或者 KOL…
男朋友同你求婚,原因唔係因為佢愛你,而係……
因為老公婚宴當晚令到賓客開懷大笑,老婆而家想悔婚(?!)
適婚年齡女多男少,令到部份男士開始 FF 覺得自己條件特別好

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 【遊戲新聞】傳會以現代美國作為舞台《GTA 6》活用網路與智能手機橫行邁阿密 by 神婆
      一直只聞腳步聲嘅《GTA 6》似乎終於有新消息透露。 根據著名遊戲洩密者 Tom Henders […]…
  • 姜頭 by 藍兼併
    每個年代,都有屬於這個年代的流行髮型。五、六十年代的飛機頭或蛋撻頭,七十年代的椰殼頭,八十年代的鴨尾頭,張國榮的魔力令髮膠賣至斷市。到了九十年代是最爆炸的年代,因為那時候的中間分界,被人說是心理變態,由郭富城帶起的風潮,那年代的男生(包括我…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • 420? Green Day? 到底係啲乜嘢嚟? by 健華
    喺每年都有嘅4月20號,可能唔知發生乜事嘅人會覺得係平平無奇嘅一日,又可能有人會覺得呢日係希特拉嘅生日(佢今年終於Cut到有線好似係)云云,但喺大家身邊,乃至社交平台之中都總會有人高呼4月20號係Green_day、Happy 420之類嘅…
  • 做PTGF,做到同事幫襯你 by FAKE 文青
    那天我穿了低胸白色的連身裙,站在 1131 號房前,我同自己講:「加油,做一晚仲好搵過我OT一個月,我OT一個月係無OT paid架。」…
  • 結界列傳——西貢結界的形成 by 沙夶
    點解當年英軍要同新界原居民打過先而唔係由西貢進入?相傳就係因為結界。相傳日軍係修建西貢公路時有兩大隊人員失蹤,最後都無法尋回,多數都係走左入無形結界而出唔番黎。由不同學說分析一下西貢點解會容易生成結界…
歡迎讚好我們的facebook page,免費資訊源源送上。

文章資訊

ID: 188425
Date: 2018-12-17 23:27:44
Generated at: 2021-04-21 16:05:32
Permalink: https://www.vjmedia.com.hk/articles/2018/12/17/188425/【塔羅個案】心儀一個男仔,然後介紹比姐妹,點