如是者到第三日，喉嚨冇再痛，取而代之係開始不斷咁擤杰撻撻既黃鼻涕。恃住自己有丁屎咁多醫學知識，知道今次應該係細菌感染，但係覺得是藥三分毒，免得過都唔想食咁多藥，更加唔想食抗生素會為細菌發展抗藥性加一分力，所以相信始終都係要靠自己身體免疫系統去打呢場仗。加上日日返工，真係得閒死唔得閒病，邊有咁多時間睇醫生呢？