【環保撚不會告訴你】做餐廳嘅朋友話我知,佢哋自己都唔會用鋼飲管

 

最憎鋼飲管,後尾我叫佢俾plastic la,佢俾紙我,都好過鋼丫佢收野嗰陣我有同佢講,this one no good,u never clean inside,佢同我講,use brush,我話no use 架,you should use ultra sonic,the one clean glasses我啲英文….:)

容樂其發佈於 2018年12月16日星期日

 

乜嘢係 XX 撚?就係將一啲睇落非常美好嘅嘢,毫無意義咁上綱上線去執行,以為咁樣就係對個世界好。

環保撚,就係以「保護環境」、「可持續發展」、「愛護下一代」為藉口,肆意咁做無謂嘢,可能為左一己開心,可能為左呃政府資助呃捐款,我唔深究。

我只可以話你知,我識人喺餐廳做,佢哋係絕對唔會用鋼飲管。

點解?

一隻碗一隻碟一隻杯,無論你個餐廳員工幾HEA,個客一定會摸到隻吉碗碟杯有無油,一定會睇隻吉碗碟杯有無污跡,個員工無論幾咁唔情願,佢見到一隻白雪雪嘅碟,上面有一點污糟左,佢一定抹走佢,慌死經理巡場見到,慌死食客投訴到總機,你試下隻碟遞俾你嗰陣係濕滴滴唔係暖風吹乾曬,最唔西嘅客都會叫佢換過隻。

好喇,問答時間:

有一間餐廳,A檯叫緊埋單,B檯想落單,C檯啱啱走可以俾下一檯客,D檯細路喊緊,E檯投訴D檯細路喊緊,F檯碟芝士焗龍蝦漏單催緊
問:咁G檯支鋼飲管入面洗得乾唔乾淨?你估下班職員得唔得閒理?

呢個其實只係common sense。

當啲為左應付環保撚而提供鋼飲管嘅餐廳,佢同我講會用刷去清潔鋼飲管,就算嗰日心情唔好,我都唔會同佢嘈,我只會叫佢俾膠飲管,或者紙我都覺得可以接受,畢竟好少食餐飯食幾個鐘直至浸爛紙飲管。

心情好嘅話,我會話,鋼飲管要洗得乾淨,唔係用刷,係要用洗眼鏡洗假牙嘅超聲波。然而都係返去嗰個問題:餐廳入面邊個得閒用超聲波洗鋼飲管?

所以環保嘅嘢,你班環保撚唔諗執行,只係喺度用道德壓力逼食肆就範,我做客嗰陣我都顧番自己身體健康,我都會用適當力度逼食肆就範:唔該俾即棄飲管我。

想用少啲膠,你買少幾個不織布「『環保』袋」就得,兩個「『環保』袋」多膠過你成世人用嘅飲管用膠。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 188455
Date: 2018-12-18 21:58:37
Generated at: 2019-06-19 22:42:17
Permalink: https://www.vjmedia.com.hk/articles/2018/12/18/188455/【環保撚不會告訴你】做餐廳嘅朋友話我知,佢哋