早兩日我已經買咗啲靚靚散水餅請班同事食，而佢地都講明今晚一定要同佢地食個飯，大家無所不談，一於不醉無歸咁話。我緊係冇問題啦，反正我仲有兩個星期先返工，第二日瞓到夜晚先起身都冇問題。正常嚟講散水飯應該係班同事夾份請我依個離職嘅同事食嘅，不過我已經決定咗今晚就等我請返大家。