平安夜到啦……So what，星期一黎，相信好多朋友返工未必有早放。如果你公司今日好人道咁比你開下聖誕 Party 食下到會嘅咖哩角，然後就可以提早放工嘅，恭喜你，快啲返屋企，條街好快會好多人 LOL
有好多朋友問我點解今年聖誕前後都休息，「呢啲日子唔係多人黎問牌咩？」咁首先，錢係搵唔哂的，加上 12 月份一向比較忙，所以由舊年開始，平安夜、聖誕節呢啲日子我都會比自己休息，回一回氣，儲返啲能量再開工，好似對大家都好。
不過，唔開工係一回事，唔代表啲客唔會搵你的。稱之為「客」又好似唔係幾啱，因為通常黎過搵我嘅客，一定唔會平安夜聖誕節，或者跨緊年，或者年初一走黎約我開牌的，喺呢啲日子收得嘅短訊，通常都趣味橫生。
我係一個好怕人多嘅人，所以「倒數」呢個活動，從來與我無緣，幾多人約我都唔會出去，PS4 is ready，兩隻貓喺身邊好暖，我老了，唔出去玩了。
不過，對於部份朋友黎講，24 號無人約、或者無活動、或者無街去、或者放左工個個出去「YO YO YO」但係自己只係默默咁返屋企，呢個動作，係好難受的。
所以，我年年一到 24 號下晝開始，就會收到好多以下呢類型短訊，九成係黎自之前未黎過嘅人，而呢啲短訊，通常越夜出現，就越精彩：
16:00「我想約占卜，而家過黎得唔得？」
呢啲朋友一定係無睇我【預約需知】，即日預約咪玩啦。
17:49「我約左人喺銅鑼灣食飯未夠鐘，出面好多人，可唔可以上黎開牌 sip 時間先？」
你搵我 Sip 時間？保重呀。
18:30「今晚搵唔到朋友陪……有開？」
但係我有朋友陪呀，無開呀。
19:24「食左飯未？我喺附近」
照計就食緊嘅，你有心呀。
上面呢啲其實好普通，精彩嘅黎了。
21:30「你知唔知我男朋友點解唔聽電話／去左邊」
我唔知……開牌好似唔興咁樣玩……
22:37「無人同我倒數，你有開？」
就算有開工呢個鐘數都收左舖啦喂呀…
23:23「頭先識左個男仔，想知有無 Feel」
乜而家啲後生咁急進嘅？
00:03「我頭先同男朋友講分手，我想知佢會唔會挽留我」
喂平安夜先黎講分手，阿女你做人好似有啲狠；同埋，你嗌分手架喎…
01:19「想知下年有無人同我過聖誕，有無得短訊開牌？」
（已經打機打到天昏地暗，已讀不回開始）
咁多年黎，我覺得平安夜一個人過、無朋友聚會 etc 其實都無乜野，不過被分手或者嗌分手都真係絕左少少，又不過，我唔係唔想幫你，但係根據以往經驗，呢啲客就算約左放完假後時間，之後都會放飛機甩底 No Show。
OK，當時情緒到了就想起我，呢一點我都係要講句「有心，多謝」的，不過姐姐一年都無咩時間真係有假放，平安夜聖誕節呢啲日子，我陪貓陪屋企人都好，我點都會自私兩日架啦。
即係呢兩日你老細 Send message 黎叫你交文件做 Report，或者問「個客跟成點？」你都有少少無奈啦係咪？好似係。
女人就黎三十歲仲係 A0 係咪就叫有問題？
中女不諱言「我有 SP，但我唔會同我老公離婚」
老師的成功要訣：識人、埋堆，攀附權貴；作育英才已經行唔通。
女性客戶開口埋口「我認為」，咁你有無理過對方點諗先？
我以為個客擔心病母健康，原來佢只係想快啲分身家
唔係乜野工作都可以上 JobsDB Apply 嘅，例如 DJ 或者 KOL…
男朋友同你求婚，原因唔係因為佢愛你，而係……
因為老公婚宴當晚令到賓客開懷大笑，老婆而家想悔婚（？！）
適婚年齡女多男少，令到部份男士開始 FF 覺得自己條件特別好
心儀一個男仔，然後介紹比姐妹，點知姐妹一星期後速食你心上人
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年12月23日
