搭巴士

 

今日要講搭巴士,先講講在下為何喜歡搭巴士,嚴格黎講不是喜歡,是心理問題,在下是有輕微幽閉恐懼症的,即係如本人困在一個會移動間的空間(如火車、汽車等交通工具)的話,而該空間係密閉沒窗。在自然看不到外面環境,我define 唔到該空間在移動著,於是自身就會感覺被困著,乜野都做唔到,顯得很不安!所以我會選擇坐巴士同自己揸車,坐巴我可以看到窗外,感覺環境在移動著可放心,自己揸車那更放心,因為感覺自己控制著,有主導權吧!因此,自己甚少搭地鐡,除非被不得已,搭升降機三五分鐘還可以,困𨋢就真係頼野!

廢話講完,就係因經常搭巴士,盡目所見, 唔理係土生土長香港人仰或強國蝗民也好,搭巴士梗會遇到這幾類人渣垃圾!

 

製造嘈音

以前比較多,因為以前無Wtapp,wchat咁多即時通訊工具,你會聽到好多八婆一上車就大大聲講電話,通常講到最後果句係:「我到站啦,遲D再傾」。呢D咪衰格邏,車上大聲講電話巳經影響他人,其實呢D人本身就係好自私既垃圾,自己一刻鐘都唔悶得,一上車就要搵人講電話,自己落車咪講拜拜,幾識利用時間呀!依家咪變左Wtapp,wchat係度係咁響,又唔靜音!最離譜用Wtapp,wchat玩錄音功能 , 又唔帶耳筒 , 好似做乜野刑偵輯兇玩晒walkie咁 ,係車上大大聲係播D對話出嚟!我真係吾想知「你屋企今晩有無煲湯」,「你新身抱有幾衰果D野」!更有D人係播片播歌玩手遊唔靜音,我真係無興趣分享你既喜樂,靜一静呀唔該!另外,更會有D「人s」,喜歡大大聲係巴士度傾計,八婆s係甘傾八婆野,垃圾裝修佬s懶個上進係度係甘傾工程進度,後生有D唔知係度博乜係度爆粗大聲講大聲笑!全部都好乞人憎!!

 

剪指甲

係巴士上剪指甲,我連巴士上剪脚甲都見過!有無離譜D! 呢D人係超級自私精,要盡量利用時間,巴士無野做咪剪指甲囉!你識利用時間點解要攪到其他人,係巴士上剪指甲已經好唔衛生,你D指甲碎飛來飛去的,好核突!又係度剪到舶舶聲真係好討厭!!

 

狗男女

我真係無興趣係架巴士睇埋 呢D「情慾畫面」,你要攬攬錫錫,你要玩掯來掯去、哄來 哄去、樔來樔去、摸來摸去的話 , 請返屋企,或者去開房!點解要係大庭廣眔做樹熊式連體互樔擁抱呢!?係咪咁性急?係咪咁等唔切?如果你咁想表演比人睇,我建議你地去日本發展,正正式式拍番幾套AV,又可滿足你地嘅表演欲之餘,又賺到生活費。多謝你地既免費招待,心領了!!!!

 

作者:不行鳥

不行鳥
大學時的不學無術,社會時求知不倦,家中的窩裡廢,外遊就積極不怠

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 188597
Date: 2018-12-23 20:36:55
Generated at: 2020-04-02 07:37:32
Permalink: https://www.vjmedia.com.hk/articles/2018/12/23/188597/搭巴士