【神婆雜談】其實你五音不全然後揀喺聖誕節正日玩街頭賣唱，真係好黑心

其實聖誕流流放緊假我就真係唔想寫文，尋日買齊野諗住去朋友屋企玩貓打機同整章魚燒（容總有份），咁喺商場附近等緊車嘅時候，一行六人傾計傾到興高采烈，突然隔離有人開始彈結他唱歌。

話佢係唱歌都真係比多左佢，「Santa Claus is coming to town」呢首咁歡欣嘅歌，唱到好似屋企有白事咁，喂耶穌唔係今日死架，唱到念喃嘸咁你份人係咪咁黑心呀？

仲有 Santa Claus 唔係讀「腥打哥絲」，同埋係「Town」唔係「Down」呀師兄，雖然你唱到好難聽所以無觀察圍觀啫，但你較到個咪鬼死咁大聲，真係自私到你，逼人聽你唱歌都有架？

你以為我 Mean？OK 我係 Mean，但係當你見到成條等車人龍個個西住面咁睥住條友仔唱嘅方向，我諗我今次都算好中肯、好持平喇啩？

即係你明唔明，唱歌無氣、五音不全、拍子錯哂、想玩 free-style 但係變成甩哂 beat，呢件事唔係叫追夢呀，唔係報佳音呀，唔係你有便要追、大家要硬食支持你呀！呢啲，係擾民呀大佬⋯⋯

【塔羅牌個案分享】

作者：神婆

非典型占卜師，唔神秘，無形象，除了鐘意聽客人講故事，夜間興趣係打機睇動漫同撚貓。https://www.facebook.com/FortunaMessage

閱讀後覺得好，請多多讚好及分享～：）