環保撚係唔會心息嘅，就會開始話咩飲管倒晒落海etc…。咁不如大家睇下10年前嘅不織布袋。個時又係有人話膠袋好唔環保，咁不如大家自備膠袋啦。個時膠袋嘅解決方案就係不織保袋aka環保袋。咁個時宣傳非常成功，每間超市、工展會、入會贈品、買滿幾多送幾多呀，都會送個不織布袋比你，去鼓勵大家用不織布袋。但結果係點？你係自己屋企揾到幾多個唔用收埋左嘅不織布袋呢？根本人地就係設計比你一人一個，頂多買多兩三個後備。自從佢商業化後，買咩做咩都送一個比你。